12/25入坑，已經課咗HK$ 2,500左右… 因為有小圓pick up活動，為咗得到小圓，呢筆錢再心痛都一定要使！ 其實如果真心中意隻game，多少都會花啲錢支持下嘅… 但係到底要課幾多，同課啲乜，咁就好考智慧喇。 我爬過文，發現日服嘅大大普遍都只係練三隻4星，因為易擺陣，一行一個魔法少女，敵人出一次BLAST都只會傷到一個，同埋唔會分薄行動盤，連攜易發動啲。 小妹已經根據日服轉蛋活動，決定咗要抽邊個了。 首先小圓（まどか）已經入手，跟著落嚟會係喺「超越時空的鐘聲 第2彈」限定轉蛋pick up嘅莉茲（リズ）。 按日服嚟推算，「超越時空的鐘聲」大概會係出年6月開跑。 再之後會係預計係出年12月經「期間限定 圓神Pick Up轉蛋」實裝嘅圓神（アルティメットまどか，簡稱アルまど）。 如果依家買定魔法石通行證（30天）HK$ 24，每日會有5粒魔法石，再加上完成每日任務後會送10粒，一個月最少會有450粒；6個月最少會有2700粒。足夠抽10次10轉，因有保底機制（100轉一定可以pick到活動指定魔法少女），所以一定可以入手。 點解係小圓、莉茲同圓神呢？ 整體嚟講，首先，三位都係光/暗屬性，光暗互剋。例如小圓，暗屬雖然剋佢但佢亦剋暗屬，被暗屬少女打係好痛，但同時佢打暗屬亦會傷害UP，更可以裝備「勝利的紅茶」勁蓄MP發動Magia。 其二，三位都係AABBC，非常易用，開Auto都唔怕會死哂要續關。 其三，三位個Magia都係全體，打鏡像啱哂。 其四，莉茲同圓神都係期間限定，過咗就冇得抽，有入手收藏嘅價值！ 逐一分析嘅話，首先小圓係出於小妹個人喜好，小圓未係圓神之前，佢已經我嘅女神了（喂），所以我無視所有戰鬥數值理論，都一定要得到小圓！（下圖是5星小圓） 同埋小圓攻擊雖然冇學姐好，但佢有HP同MP回復嘅連攜，Support都係小圓嘅話，Magia可以好快發動，根本唔使點擔心過唔到關，因為冇雙圓磨不過嘅關XDDD 鹿目圓（治療） AABBC 連攜： HP回復[Ⅵ] MP回復[Ⅵ] Magia： 對敵方全體傷害[Ⅳ] MP回復(全) 至於莉茲，係因為小妹光屬有一堆，想要養翻隻暗屬。 莉茲（攻擊） AABBC 連攜： 無視防禦 機率暴擊[Ⅶ] Magia： 對敵方全體傷害[Ⅴ] MP回復(自) 機率迴避(自/1T） 我係佢同和美（另一個期間限定角色）之間掙扎過，但最後都係覺得佢較優勝。以下係和美嘅戰鬥數值： 和美（攻擊） AABBC 連攜： Blast傷害UP[Ⅶ] 無視防禦 Magia： 對敵方全體傷害[Ⅴ] MP回復(自) 兩個都有MP回復，加上小圓連攜，Magia連發易如反掌。不過莉茲比和美多咗「機率迴避」，生存力高啲。同埋機率暴擊嘅使用限制較小。可以應用埋係Accele同Charge上。（其實係我私心中意貞德多過失憶play少女） 圓神好明顯又係因為私心所以一定要抽嘅角色（女神大人！！）。 圓神（究極） AABBC 連攜： 造成傷害UP[Ⅶ] 狀態異常耐性UP 機率Survive 狀態異常解除 Magia： 對敵方全體傷害[Ⅴ] 攻擊力UP 全Disk效果UP 傷害削減(全/3T) 但撇除私心，佢都係非抽不可。因圓神係成隻game入面唯一一個有EX技能嘅角色（圓神EX：全體HP自動回復+（全體）異常狀態耐性UP）。另外有狀態異常解除、攻擊力UP同全Disk效果UP，無論係PVP定PVE都大派用場，CP值咁高，點可以唔抽？ 參考網頁： https://magireco.moe/wiki/%E6%89%AD%E8%9B%8B https://magireco.moe/wiki/Game:%E9%AD%94%E6%B3%95%E5%B0%91%E5%A5%B3 https://appmedia.jp/magireco/778733 https://appmedia.jp/magireco/2377012
