因為小酷米最近參加咗一個關於YouTube嘅課程，第一課要求交一條原創影片，咁岩又Book咗迪士尼樂園酒店住一晚，所以新手小酷米就乾脆拍Vlog紀錄今次Staycation兼交功課 拍得唔好，請多多包涵… 去片！小酷米參加咗酒店提供嘅DIY活動 - 皮革卡套DIY 製作過程並不複雜，但穿針線時都要出啲力水，所以比較推薦大朋友參加或者需要家長代勞。小酷米隔離枱就有對爸爸媽媽帶住兩個約莫小學三、四年級嘅小朋友參加，結果個卡套著咗有8成係父母做…… 所以如果小朋友太細個可以考慮參加另一個班 - 米奇拼布環保袋DIY，應該對相比較容易製作。 皮革卡套DIY收費 : $250/套 時間 : 每日下午1:30 – 3:00 (每節90分鐘)預約 : 唔好問我點預約，因為截至現時，小酷米已經玩完、退房、返番屋企都唔知點樣預約！當初小酷米係喺Trip.com預訂酒店房間(因為價格比官網靚)，之後見到官網介紹入住該酒店嘅住客可以參加皮革卡套DIY班，我就寫Email查詢參加辦法，奈何跟客服拉鋸咗個幾星期都問不出個所以，最後客服將我當做人球推返比Trip.com…Trip.com回覆，酒店內嘅消費活動從來都唔會經手，不過最後都應我嘅請求，幫忙向酒店留位所以想參加DIY活動嘅您，請自求多福吧！除咗迷之預約之外，另有迷之門扣 小酷米同家姐一同入住酒店，攞房放低行李後外出買晚餐，點知......果個迷之防盜門扣竟然自己反鎖住....酒店安排咗一位經理同保安哥哥帶埋架撐上嚟開鎖，本來好順利咁打開咗，但突然又有一陣怪風一吹，個門扣又再次扣埋，當下經理同保安哥哥都嚇咗一嚇經理: 你哋係咪打開咗露台隻門?我 : 你覺得係因為打開咁露台門所以“有人”入房整蠱我哋?(大聲強調“有人”)經理: 唔係唔係~ 可能大風姐~大風?到底要幾大風先可以吹得郁嗰個鐵做嘅門扣呢？而且我哋非常確定無打開露台隻門之後唔只門扣，連房門都開唔返.....經理同保安哥哥出盡奶力將門推開之後經理都主動安排另一間房比我哋我哋相信包括經理及保安哥哥喺事後都認為係遇見超自然物體.....嗯....2122我會記住你如果喜歡我嘅影片，請多多支持 按個讚!按個訂閱吧！歡迎光臨我嘅FB專頁，謝謝！台灣追星星手記 / 反’豆’奇兵 – 劣質照相館 Toy Studio
