因為工作嘅關係小酷米曾經做過陶瓷班助教，但‘助教’背後其實從未接觸過陶瓷藝術，雖然平時上堂可以偷師，但無機會實踐，始終都會心癢癢 鶯歌陶瓷老街顧名思義就係主要售賣及批發陶瓷嘅地方，除咗高級工藝品之外，重有好多精緻嘅陶製餐具、用品，而且價格相宜 當中有好多店舖設有體驗課，價格大約NT$250~380左右，一般包材料、上粙及窯燒 NT$250嘅體驗班 無須預約，帶上圍裙坐好之後老師會問你想整杯定係碗，簡單講解做法之後老師會將陶泥固定轉盤上，拉好基本雛型之後就會交我哋自己自由發揮 小酷米無擔心過失敗問題，反正有老師喺度幫你糾正形狀，所以可以放膽做。杯形拉好之後，可以劃上自定圖案 陶泥作品整好之後需要風乾先可以入窯，然後窯燒一次之後先可以上粙，粙乾後再入窯燒第二次先至真正完成作品，成為陶瓷。因為事後工序繁複，一般上粙動作要交由老師代勞，你可以指定顏色(不過小酷米體驗嘅教室可選擇嘅顏色不多，大家可以去發掘下先…)，作品完成大約需時2星期至個半月，可以自行返到教室取件或者選擇由教室代郵寄作品，我無記錯的話空郵到香港約NT$350(運費貴過作品…) 成品！(大約2星期收到) 雖然我劃嘅線條窯燒之後唔完整，但比預期中靚，而且製作過程都算係個唔錯嘅體驗，最起碼個杯係可以用，唔漏水先(笑...) 若果只係想過下手引，玩下拉柸，唔需要燒成作品的話亦可，價錢百幾蚊台幣有交易 溫馨提示！當日小酷米上午11:30去到鶯歌，有好多DIY教室都未開，所以建議大家晏小小出動好啲 歡迎光臨我地嘅FB專頁，謝謝！台灣追星星手記 / 反’豆’奇兵 – 劣質照相館 Toy Studio
