喺上一次踏足嘉義因為'唔知訂'，下榻一間甩皮甩骨嘅旅館，真係嚇怕咗....(連結在此) 不過今次依間樂客商旅又OK喎~ 2019年12月平日(非旺季) 包早餐 大約HKD$ 390 一晚 Expedia 除咗位置有啲吊腳，早餐....有啲怪之外，無論房間整潔度及服務都可達90分 Google地圖顯示步行12分鐘，慳妹小酷咪不嬲都有一種堅持，唔係盪失迷路都唔會搭的士....最後，我係錯嘅..... 若果喺香港，要我拖住行李行12分鐘，的確係'小菜一碟'，但拖住行李喺台灣(特別係中南部)行12分鐘其實好金！ 因為台灣好多行人路本身就凹凸不平，行唔夠幾步就會有一兩級石級，而且喺中南部基本上不全在'所謂嘅行人路'.... 通常行人路都泊滿車，要焗住行出馬路.... 所以我Check Out當日係好奢侈咁搭的士...... 房間內整潔，又夠光猛，而且設備都重幾新淨，無可挑剔 至於早餐，其實以平民價位酒店所附送嘅早餐嚟計，佢哋真係加晒分！ 生菜沙律、多士餐包、中式糕點蒸包、炒粉炒飯、湯粉湯麵、咖啡奶茶果汁...........點擊圖片放大 菜式非常多，但好奇怪，食物放喺保溫盤(自助餐常見用熱水或酒精膏㷫住嘅食物盤)全部食物都係凍冰冰 就連所謂嘅熱咖啡都係凍嘅，超神奇！ 當日我7:30入座，都算係首輪食客，食物已經凍晒，真係好可惜 歡迎LIKE我地嘅FB專頁，謝謝！台灣追星星手記
