你係咪都開始討厭收到毫無新意嘅台灣手信鳳梨酥呢? 依一家老餅店雖然無華麗舖面，包裝又樸素，但佢哋能夠屹立不倒150年，一定有佢嘅魅力之處。 金牌鳳梨酥 NT$12/1件 外形、口感與一般鳳梨酥唔同 一般鳳梨酥外型好似麻雀咁四四方方，外皮較鬆化，雖然好香、好好味，但咬一開外皮就會散到一面一身都係。。。 但依款金牌鳳梨酥不一樣，外皮比較實，唔會散開，造型長長扁扁，而且容易入口 小酷米打聽過金牌鳳梨酥嘅起源，長長扁扁嘅造型其實係為左方便放入利事封.... 喺古代信眾想入廟參拜，但資源貧乏無辦法添香油，又怕神明唔保佑，所以就做左依啲“金牌”，放入利事封獻比神明。而依家，本地人除左買黎拜祭外，都會買黎做小食或者送禮 餅店除左金牌鳳梨酥之外，重有綠豆酥、紅龜粿等等嘅唐餅 百年老店 新潮產物 咖喱 X 綠豆酥 嗯… 聞落有咖喱香料味，但加入甜甜地嘅綠豆蓉裡面真係有啲怪..... 唔係太岩小酷米嘅口味 另一熱賣經典產品 平安餅 造型好似香港常見嘅水泡餅，但味道就似甜餐包，不錯吃 後記: 其實新莊廟街重有好多野睇，好多野賣，例如賣衫、賣鞋、賣精品，亦有好多夾公仔店，應該好熱鬧.... 但小酷米上午11點多去行，太早啲舖頭未開，但意外發現新莊廟街嘅另一面，好多水果蔬菜地攤，亦有賣乾貨香料等等，可以用最地道嘅方式了解台灣都幾好呀～ 溫馨提醒: 新莊廟街有好多好多好多電單車穿梭，係氹盡油門嘅“極速穿梭”，所以行街街要小心注意安全喔～ 地址: 台北新莊區新莊路341號 老順香餅店 捷運新莊站 2號出口 歡迎LIKE我哋嘅FB專頁，謝謝！台灣追星星手記
