R10環保文創商旅 今年7月份開幕 主張環保，房入面嘅用品、設計等都收環保為主，而且每間房都唔同主題 房間十分整潔，床單、枕頭布真係會換！因為我外出之前交帶櫃台叫清潔姐姐幫忙執走垃圾....下午時間我返房打算放低戰利品，剛好清潔姐姐換梗床單，讚！令人住得更安心！(你知啦~好多酒店叫換都唔換嫁嘛...) 除此之外，工作人員們都十分友善又好禮貌，處理事件嘅手法亦算利落，因為小酷米入住時發生左啲小插曲....... 到步第一件事.... 鎖匙卡用唔到..... 試左2~3次都開唔到之後，櫃台姐姐即刻安排另一間房比我，讚！免得客人等咁耐，可以盡快返房休息 依間房主題以藍白色為主，重有隻可愛嘅蟹仔添............ 之但係..... 半個鐘之後我開始覺得唔對路........ 我將冷氣調到16度都出晒汗，心唸...呀~會唔會係因為酒店主環保，所以冷氣溫度唔可以低過25.5度呢？！ 坐多陣....頂唔順走去問櫃台冷氣點樣先可以開強啲..... 原來！冷氣壞左，只出暖氣.....之後佢地安排幫我換房，其間一直講"抱歉...對不起"，重事先帶我去簡新房同試冷氣，老實講...本身小酷米有啲火起，但佢地嘅禮貌同安排真係嬲唔落 "新房"冷氣正到不得了，不過依間房令單身小酷米有啲唏噓.... 因為此"新房"係名副其實嘅"新房"，依間房嘅主題係以雙喜做主題... R10環保文創商旅的確十分有特色，美麗島捷運站行5分鐘直達，過條馬路就係太合夜市，Expedia住2晚連稅HKD$540...... 種種好處顯示十分直得推介入住.... 咳~~ 冇事嘅...我啲小插曲應該係個別事件姐...... 歡迎LIKE我地嘅FB專頁，謝謝！台灣追星星手記
