為左獎勵自己完成環島旅程,我簡左依個我一直好恨去嘅餐廳 來自愛麗絲 。環島其間,我因為好怕超資,所以唯有喺食方便"度縮",基本上冇咩點食正餐,依一餐算係環島旅程入面最貴嘅一餐.... 愛麗絲夢遊仙境 係小酷由細到大最喜歡嘅一奪電影卡通,好細個已重背熟晒入面嘅劇情同插曲..... 所以我從門口見到果隻啤牌人就已經興奮到發左瘋 內部裝修更加不得了....唔係用餐時間有限(90分鐘)的話,我真係唔想走.... 小酷米當日叫左個SET (皇后組合) 包括 飲品+主食+甜品 (餐牌轉自 來自愛麗絲 FaceBook) 喺卡通入面,小酷米最鐘意嘅角色係妙妙貓(台灣叫柴郡貓),所以我簡左依杯以佢命名嘅飲品(柴郡貓)....天呀!個色重有啲似佢添.....點可以唔飲呢? 雖然餐牌上寫住柴郡貓係"難以言喻的口味",但並不難飲,重幾岩我口味添!其實佢係2款水果做嘅乳酸飲品....至於係邊2款水果我就唔講啦~ 講左就冇驚喜嫁啦 (餐牌轉自 來自愛麗絲 FaceBook) 主食我簡左撲克牌雞塊咖哩飯,應該屬日式咖哩,對平日甚少食辣嘅小酷米黎講有點微辣,不過味道OK,唔會"好睇唔好食" 甜點每日唔同款,當日係香蕉蛋糕,碟邊畫花真係好可愛,好唔舍得整花佢..... 蛋糕上面重有一隻好趕時間嘅白兔先生添 出發之前記得上佢地FB睇下佢地當日有冇營業,因為佢地每個月都會定2-3日休息(多數為星期一),免得撲空喔~ 來自愛麗絲 FaceBook 歡迎LIKE我地嘅FB專頁,謝謝!台灣追星星手記 第一站: 宜蘭縣 礁溪每日溫泉旅館 & 溫泉蕃茄 第二站: 花蓮太魯閣 & 全台最接近太平洋的"巨無霸"郵筒 第三站: 台東 鄉村藝宿民宿 & 卑南文化公園 第四站: 屏東縣全台最南面的盡頭 墾丁 鵝鑾鼻 第五站: 高雄縣 令人又愛又恨的橙屋商旅 & 橋頭糖廠 文創藝術村 第六站: 台南縣 全台灣最西面的盡頭 國聖燈塔(七股燈塔) 第七站: 嘉義縣 王子去旅行旅店 &奮起湖 鐵路便當 第八站: 雲林縣 燈燈燈櫈~可愛水果櫈(斗六火車站) 環島獨腳戲番外篇 – 台灣 超實用公車手機APP 第九站: 南投縣 寶島時代村 第十站: 彰化縣 台灣優格餅乾學院 第十一站: 台中 高美濕地及彩虹眷村 第十二站: 新竹 (時間所限,被放棄..) 第十三站: 苗栗縣 草莓文化館 喪食士多啤梨 第十四站: 台北縣 全台灣最北面的盡頭 富貴角燈塔 & 老梅綠石糟 第十五站(最後一站): 台北縣 全台灣最東面的盡頭 三貂角燈塔