環島獨腳戲番外篇 - 台灣 超實用公車手機APP 一連PO左"環島獨腳戲"七集,今個星期停一停,小酷米打算介紹2個超實用嘅公車手機APP比大家,希望大家即使去冇捷運嘅地方玩都可以路路暢通。 iBus_公路客運 由台灣交通部公路總局主理 (官方網站連結) 用法簡易,版面只有6個選擇,不過背包客最常用到嘅應該係"找路線"及"附近站牌"。先講"找路線"先... 只需要輸入公車號碼就可以知道出車時間(發車)、到站時間、沿途車站、公車車牌等等嘅資料,每隔30秒會更新一次行車動態,而且版面清晰易明,時間準確 例子: 6899號 (台中往埔里) 另一常用功能係"附近站牌",打開手機GPS就可以睇到附近有咩車可以搭,岩晒一班"鍾情"蕩失路嘅朋友,唔怕唔識路返轉頭 PS. 因為小酷米身處香港,相信方圓百里都搵唔到任何一個台灣公車站牌....所以試唔到比大家睇...抱歉喔 台灣公車通 (Facebook) 雖然功能唔多,不過最緊要岩用,而且依個APP會分得再仔細一點,用地區作分類 同樣,輸入公車號碼就可以睇到出車時間(發車)、到站時間等資料,每25秒更新一次 例子: 紅26 淡水漁人碼頭往淡水捷運站 路痴小酷米喺環島其間都係靠依2個公車APP"存活",不過提提您!最最最緊要係用完要閂返個APP,如果唔係每25~30秒更新都幾食電 可能你會問"點解要用晒2個APP"?嗯...無錯!以上2個APP都簡單易用,而且顯示嘅出車時間同埋到站時間都非常準確,不過2個APP都有部份公車資料未夠完善,有機會搵唔到你要搵嘅公車號,所以如果有晒2個APP傍身,無論環島、自由行就天下無敵啦(誤)!(PS. 特別加開班次未必會有顯示....另外,2個APP都有不斷做便新公作啦~假以時日話唔定真係堅 無敵) 歡迎LIKE我地嘅FB專頁,謝謝!台灣追星星手記 第一站: 宜蘭縣 礁溪每日溫泉旅館 & 溫泉蕃茄 第二站: 花蓮太魯閣 & 全台最接近太平洋的"巨無霸"郵筒 第三站: 台東 鄉村藝宿民宿 & 卑南文化公園 第四站: 屏東縣全台最南面的盡頭 墾丁 鵝鑾鼻 第五站: 高雄縣 令人又愛又恨的橙屋商旅 & 橋頭糖廠 文創藝術村 第六站: 台南縣 全台灣最西面的盡頭 國聖燈塔(七股燈塔)