環島第六站 - 國聖港燈塔 最西面喺台南？！ 國聖燈塔又叫七股燈塔，除左係全台灣最西面的盡頭之外，亦都係全台灣四個盡頭最難到達，同時亦最"陽春"嘅盡頭... 出發前，小酷米曾經上台灣討論區發問搵交通資料，點知有部分台灣網友叫我唔好去國聖燈塔，佢地認為去黎嘥氣，因為入面冇野睇，而且唔會有車入，反而介紹左其他燈塔比我... 最後因為我嘅堅持，佢地推薦左一條"比較"舒服嘅路線，但必需天時地利人和... 首先於台南火車南站上台灣好行 99台江線，到六孔管理站下車，然後行5.2公里即可。無錯！5.2公里！我行左1.5小時..... (圖片來源google maps) 沿途景色: 公路嘅左手邊係蚵田，偶爾會見到有人採蚵，喺香港好少機會見到嫁..... 不過依個咁特別嘅景色我行左半個鐘都冇變過......你睇！條公路冇盡頭嫁..... 途中有住付近嘅農民願意送我一程，開車載我入去，但我猶豫了.... 放棄左個機會....之後我行足全程都再冇見到任何車... 我重比個農民話我 gōng (台語:戇居) 依種場景小酷米只喺外國電影見過... 所以按捺不住要坐喺路中心影相...在馬路中心呼喚愛..XD 行左大約45分鐘後，轉左個彎，終於有新景色睇下....其實都唔係渺無人煙，開始行到沿海位置就見到好多人特燈黎釣魚，同埋開始吹到海風，涼涼地，行得冇咁辛苦 行多20分鐘之後就見到啲令人振奮嘅野！！路牌呀！國聖燈塔路牌呀！果下真係興奮到好想大叫 再行多15分鐘....望見家鄉啦(燈塔本專).... 你見到嗎？ 呢......箭咀指住果道呀.... 終於見到佢嘅盧山真面目啦.... 雖然台灣網友認為國聖燈塔"陽春"，唔直得睇，但我覺得唔算太差。個燈塔舊左啲、而且生鏽，但同依道環境幾配合，有種滄桑感，而且感覺唔似喺台灣，有異國沙漠Feel 點擊圖片放大 回程，向同一方向前行5公里坐返台灣好行 99台江線離開，同樣行左1.5小時。嗯...好理想...但需要天時地利人和... 所謂嘅天時地利人和係指99台江線每年10月至翌年4月例假日(星期六、日及公眾假期)先會加開七股鹽山站至黑面琵鷺賞鳥亭站路線，所以有興趣嘅您要注意一下。 (圖片來源google maps) 99台江線路線時間表: http://taiwantrip.hello-world.asia/schedule_table/0121_99TaijiangRoute_tw.pdf 另外，因為係黑面琵鷺遷徙季節，所以沿途好多機會見到佢地嘅蹤影，不過睇還睇，盡量唔好打擾佢地，當地農民就算見到佢地喺田行黎行去、搵野食都唔會趕走佢地，反而重保護有嘉，好有愛 ^^ 而且，我發現喺沿途見到嘅黑面琵鷺數量多過黑面琵鷺賞鳥亭入面多好多好多添。 老實...我從未試過因為佢地遷徙而去賞鳥，即使香港都有黑面琵鷺........... 我對爬山靴就係比依個景點K.O左 (環島獨腳戲 – 前瞻)，我亦都因為睇小左依個景點所花費嘅時間，結果要放棄其他台南景點，當我完成環島，返到台北見朋友，佢問我"妳去台南有沒有吃到什麼？玩了什麼？"....真係唔知點答，但我高興嘅係我用我嘅腳步完成左一個壯舉，不過下次有機會再去台南，我必定會省略依個景點 後記: 搭車果陣認識左一對老夫婦，原來佢地都同我一樣環梗島，佢地同我講年輕時曾經希望兩夫婦一齊環島，但為討生活、為子女一直等到退休先至可以實行，其實都幾浪漫呀~ 人會老，但夢想不會老 下一站係....嘉義縣 歡迎LIKE我地嘅FB專頁，謝謝！台灣追星星手記 第一站: 宜蘭縣 礁溪每日溫泉旅館 & 溫泉蕃茄 第二站: 花蓮太魯閣 & 全台最接近太平洋的"巨無霸"郵筒 第三站: 台東 鄉村藝宿民宿 & 卑南文化公園 第四站: 屏東縣全台最南面的盡頭 墾丁 鵝鑾鼻 第五站: 高雄縣 令人又愛又恨的橙屋商旅 & 橋頭糖廠 文創藝術村
