環島旅程第五站 高雄縣 雖然小酷米經常飛台灣,但從未去過高雄,可惜今次行程太緊密,時間唔夠,冇好好遊歷一下..... 今次入住嘅係橙屋商旅,房內設計簡潔,整潔度達90分、早餐食物款式唔算太多選擇,但味道幾好、員工友善、單車可以免費借用,另外,可以免費使用洗衣機,當初我係衝住依一點黎簡酒店,因為總唔可以帶住十幾日嘅衫環島吧! 而且每日可以享有一次專車免費接送服務......嗯....以上都係我推薦依間酒店比大家嘅原因.....但係凡事無絕對嘅,亦"無人完美"....佢地會提供接送服務係因為距離捷運站實在太遠,起碼要行20分鐘路程,而且因為酒店位於民宅區,啲路九曲十三彎好似迷宮咁,真係幾難搵,週邊重有好多車房、工場,雖然未至品流複雜,但都建議唔好夜返,一個人行返去都咪話唔驚....入住3晚雙人房HKD$620左右(Expedia),CP值超高,靠服務取勝,令人又愛又恨。 點擊圖片放大 +4 橋頭糖廠 明明環島依段日子涼浸浸,平均15-20度左右,好舒服,但參觀橋頭糖廠當日竟然升至27-32度,熱到"我估媽媽不認得我 ♫"... 嗯.... 其實本人覺得再黎高雄玩都未必會黎糖廠... 因為都係睇一個荒廢左嘅工廠外圍同生晒鏽嘅組件,真係冇咩特別...... 可能因為晒到痴左,所以更認為不直得... 點擊圖片放大 咁熱,黎返碗剉冰降降溫先 黑糖招牌剉冰 配料包括有: 紅豆、仙草凍、花生、煉奶 .... 讚!好想再食...點解香港冇嫁.... 喺糖廠隔離有個藝術村,有好多手作店同文創商店,因為我去參觀當日係平日,所以有啲商店冇開門,如果您對文創商品有興趣的話,建議可以假日黎玩.... 雖然喺平日參觀環境比較清靜,但我反而覺得幾好行,幾舒服,我總覺得藝術村係應該平靜、清幽,唔應該似市集嘈雜、人迫人.... 東院堂人文茶館-蜜香紅茶 蜂蜜甜味唔會過重,唔會蓋過茶嘅清香,飲完唔會"確"喉,直得一試... 另外,佢地都有賣韓式炸雞同炸年糕,我唔識點先叫傳統,但味道唔錯,同埋店員姐姐幾友善,可以的話多多幫襯吧~如果唔係平日個場靜到咁都真係好難圍皮.... 下一站係....台南縣 歡迎LIKE我地嘅FB專頁,謝謝!台灣追星星手記 第一站: 宜蘭縣 礁溪每日溫泉旅館 & 溫泉蕃茄 第二站: 花蓮太魯閣 & 全台最接近太平洋的"巨無霸"郵筒 第三站: 台東 鄉村藝宿民宿 & 卑南文化公園 第四站: 屏東縣全台最南面的盡頭 墾丁 鵝鑾鼻