環島旅程第三站 台東縣~ 同老闆娘同一屋簷下的傳統民宿 鄉村藝宿 我從來未住過依種民宿，話晒住喺陌生人屋企，唔多唔少有都會有啲唔聚財，但依間鄉村藝宿網上睇評語都一致唱好，同埋勝在夠近台東火車站，所以就嘗試入住一晚 曾經有新聞報導話台灣有好多民宿無領牌照，所以BOOK民宿之前最好上網搵多啲資料，查清楚係咪合法經營，會比較安心 我入住嘅係單人套房，雖然細左啲，但不至於唔夠地方打開個篋，而且房間整潔度滿分，重有就係老闆娘嘅友善讓人感覺舒服，如果硬係要搵缺點嘅話，就係張床軟左啲....住一個晚上價錢大約HKD$200，可謂平、靚、正！(agoda) 點擊圖片放大 我離開果朝早因為要趕火車，迫住要"不告而別"，上車之後我PM佢地FB專頁交代及SAY SORRY，佢地迅速回覆我....揪甘心(台語:貼心) 三唔埋兩日踏一踏青....卑南文化公園 於台東火車站步行8-10分鐘即達，因為依家重係試業性質，所以免費參觀。本身我並非一個歷史/考古愛好者，只係當時見距離民宿不遠，而且附近又冇咩特別嘅地方直得參觀，所以就當去散步、呼及下新鮮空氣。 我發現除左可以了解器時代遺址之外，入面有好大片青草地，腦海即刻浮現左幾個畫面，一家大細野餐、小朋友同毛孩無拘無束地奔馳、帶幾本書坐喺樹蔭下消磨半日，又或者影下山系風格嘅唯美照，重點係即使唔洗比入場費參觀，環境都係零污染、零噪音、零遊客..... 近年去台灣，我嘗試追求"零遊客"嘅地方(特別係冇旅行團嘅地方)，覺得"零遊客"先可以融入當地，感覺先似旅遊... 我喺卑南公園停留左2個鐘，只係見到十幾廿個公公婆婆做伸展運動，同幾個年輕人喺度玩模型飛機，除此之外就得幾個工作人員，環境真係好舒服 點擊圖片放大 依間"卑南族傳統家屋"可以入內參觀的，但小酷米行到門口望入去"伸手不見五指"，真係有啲驚，所以....我放棄..... 如果你真係想了解更多卑南文化歷史由來，建議大家可以參加佢地嘅導覽團，每日上午10:00及下午3:00都有工作人員導賞，若果時間唔就腳，亦可以借用"語音導覽器"，有人講解係唔同啲 行到攰可以去COFFEE SHOP坐下，環境清幽 好老實...小酷米係一個好食懶非嘅人，平時唔多願郁，又唔做運動，今次環島嘅行程可謂"攞我命三千"，遠足、踏青... 計步器紀錄每日平均2萬步，超出世衛建議(笑)，返到黎香港有好多人話我瘦左，不過旅遊其中一項可愛之處就係辛苦過後所以集到嘅美景往往係最深刻 資料: 注意！由2016年11月5日起會開始收取NT$30入場費喔~ 國立台灣史前文化博物館: http://www.nmp.gov.tw/index.php 下一站係...屏東縣 歡迎登入Facebook讚好我的旅遊專頁台灣追星星手記 第一站: 宜蘭縣 礁溪每日溫泉旅館 & 溫泉蕃茄 第二站: 花蓮太魯閣 & 全台最接近太平洋的"巨無霸"郵筒
