環島旅程第二站 花蓮。 太魯閣國家公園 要去太魯閣可以喺台東火車站上"台灣好行太魯閣線"。出左花蓮火車站之後，望向左手邊方向就會見到一座鮮橙色嘅交通大樓，車站就喺大樓門前，建議大家可以喺果道買埋一日票，因為單程票已經NT$151，一日票只需NT$250，可以喺購票當日不限次數任意上落車，比較化算。不過...都係果句，要留意行車時間表，因為我當日遲左起身，趕唔切山上行車管制時間，所以唔可以直接坐車到山頂，只可以去到布洛灣，司機話喺布洛灣行到天祥要3個鐘，來回要6個鐘，所以我決定放棄，山頂嘅美景就等大家同我分享啦~ 點擊圖片放大 每一隻可獅都唔同樣、唔同動作，好得意... 點擊圖片放大 小錐麓步道吊橋，"有辣有唔辣"任君選擇.... 有2款吊橋比大家簡 "安然型"吊橋 亦有"冒險型"吊橋，小酷米當日選擇嘅係"安然型"不過並不安然.... 我為左影風景，差啲跌左支鏡頭落山...... 結果犧牲左個蓮花罩，睇住"佢"一直碌落山，唉...殘念... 不過算係不幸中之大幸.....點擊圖片放大 全台最接近太平洋的郵筒 - 花蓮港幸福青烏蛇紋石郵筒 出發環島前我同自己講過盡量唔好搭計程車，因為有一就有二，我怕坐開有條引，最後敗喺個郵筒手上..... 我出發事前已經準備好(我以為)，搵定晒坐咩公車可以到目的地，點知....當日我坐台灣好行離開太魯閣，落山後要轉另一班公車去花蓮港，點知趕唔切，班車重要係2個鐘先一班，真係晴天霹靂，結果要計程... 依個郵筒有咩特別非去不可？佢除左係全台最接近太平洋嘅郵筒外，經依個郵筒寄出嘅信件郵戳係特別版，而且依個石雕郵筒係"超級巨無霸"，高233CM / 直徑133CM，我165CM高(好矮..)要"迄高腳"先可以寄到信 不妨寄幾張明信片返香港比朋友(寄香港空郵NT$10喔) (真情日日傳天地 幸福天天無國界) 另外， 花蓮港風景唔錯，吹吹海風、影下相、踩下單車都幾好 點擊圖片放大 +2 後記:離開花蓮港果班公車都係2個鐘一班，上車時發現竟然係同台灣好行同一個司機，而且重係同一部車，但完全唔同路線....難道全花蓮只有1個公車司機？唔怪得花蓮啲公車都係2個鐘一班啦(誤)..... 下一站係… 台東 歡迎登入Facebook讚好我的旅遊專頁台灣追星星手記 第一站: 宜蘭縣 礁溪每日溫泉旅館 & 溫泉蕃茄
