環島旅程嘅第一站 宜蘭縣-礁溪，礁溪最出名係溫泉，屬於碳酸氫鈉泉，又叫"美人湯"，故名思意，浸浴有助皮膚健康，浸完會靚靚！當中含豐富鈉、鎂、鈣、鉀、碳酸離子等礦物質，聽聞有軟化角質、促進皮膚新陳代謝及美白功效。 恕小酷米大鄉里，我從來未浸過溫泉，一個對共用浴廁反感嘅人又點會去浸大眾池呢？但係黎到以溫泉聞名嘅宜蘭縣唔浸溫泉又點對得住自己呢？所以特意簡一間有溫泉浸嘅旅館，喺房入面有私人風呂，自在又舒服 礁溪每日溫泉旅館 雖然房間陳設有啲"年紀"，但整潔度OK，距離火車站又唔會太遠，大約步行5-8分鐘即達，樓下亦有食市，都幾方便，不過隔音就..... 唔知係隔離房鼾聲如雷定隔音差呢？ 講返重點先！溫泉！ 初初行入房見到個浴缸，心唸... 唔係下話，個溫泉堅定流嫁？咁牛嘅！同想像嘅有啲出入喎~ 放熱水時，我故意濕下個口，真係有啲喊喊地，同埋唔知係咪心理作用呢，我覺得浸完皮膚真係滑溜啲.... 入住2晚，溫泉任浸都係HKD$530左右，確係幾低玩(agoda) 礁溪必食 溫泉蕃茄 形狀古怪，個尾尖尖地，有啲似陀螺，而且顏色好似未熟咁，但食落甜甜地、蕃茄味濃郁，而且生食草青味唔重。除左切開當水果食之外，重可以打成汁加梅子粉飲用，健康又好味，喺外面好難搵到依隻蕃茄嫁，不妨一試 下一站係... 花蓮 歡迎登入Facebook讚好我的旅遊專頁台灣追星星手記
