"慢食。每一口咀嚼，重新思考我與食物之間。" 依間位於台北松山區小巨蛋附近嘅早午餐(Brunch)店，主張"慢食主義"，讓客人喺繁忙市區中取得安靜，可以放慢腳步去享受生活，慢慢細味品嚐食物嘅味道............. 雖然依個價格喺台灣唔太親民，但勝左夠大份，比較細食嘅女士門可以一份餐2個人開心Share，小酷米當日2人都係點左一份奶油蛋燻鮭魚，追加左一份香酥雞翼同飲品 奶油蛋燻鮭魚: 有2件厚多士、新鮮蔬菜沙律、燻三文魚炒蛋、黑糖果仁乳酪及一杯飲品。份炒蛋真係幾滑，燻三文魚又唔會太重喊味，但我最鍾意係杯黑糖果仁乳酪，無唸過原味酸乳酪同黑糖咁夾，讚！讚！讚！之前小酷米喺FB睇到某藝人去幫襯必點，重要瘋狂到一次食2杯，估唔到一試就讓我愛上(心心眼) 睇黎小酷米浸淫喺步伐急速嘅香港太耐(出世浸到依家...囧)，要放慢生活真係唔易，我嘗試觀察其他食客，發現真係有人會跟"遊戲規則"慢食，先用刀叉輕輕切開多士一細件，再慢慢放入口，一啖多士佢咀嚼左五分鐘......... 最終佢份早餐要食幾耐？Sorry，佢未食晒我地就已經賣單走人，重點係佢早過我地開始食......嗯....真係要學習學習。其實依道除左食物豐富，環境都唔錯，裝修走工業風，配合柔和燈光的確係幾好坐，而且可以選擇坐室外，當日適逢台北落雨，所以小酷米簡左喺室外用餐，可以一邊聽住雨聲一邊用餐，別有一番風味 雖則話餐點大份，可以開心Share，但依道設有最低消費(每人NT$120)，要注意一下喔！另外假期人多，記得早啲去排隊，不過可以電話訂枱，詳情可以留意佢地嘅FB Daylight光合箱子 南京店 歡迎登入Facebook讚好我的旅遊專頁台灣追星星手記
