上星期,小酷米坐香港航空飛台北,剛岩遇著中場客運廊新落成,所以"被做白老鼠",作正式全面運作前測試。中場客運廊即是登機閘口201-230號,要坐兩程無人駕駛列車先可以到達,地勤人員建議我地至少要起飛前40分鐘入閘,其實都幾麻煩,皆因小酷米慣常經網上預辨登機,咪老馮念住一個鐘前去櫃枱報到囉,點知去到先知道有依個安排,當時真係怕趕唔切...... 雖然建議40分鐘前入閘,但小酷米當日實際只係用左大約20分鐘就到達,過程亦比預期流暢。重有時間"他他條條"食份早餐,而且份早餐重係免費添!! 食物係由香港機場管理局提供,有三文治、餅乾、薯片同樽裝水,任食!工作人員重話唔夠可以再攞,依次"被做白老鼠"機管局真係超有誠意 小酷米喺食梗免費三文治期間發現一樣野...... 之前我喺台灣識左一位朋友,佢話香港人好冷漠又冇表情,人與人之間好有距離感.... 我見到位年輕媽媽,老遠見到有薯片食,就笑住又跑又跳咁埋去攞,跟住轉身望住相隔100米外拖住囡囡嘅老公大叫"老公...你睇!係薯片呀...哈哈~" ..... 其實香港人好簡單,一份三文治、一包薯包就可以開心一個早上,連大人都變童真。我相信大家並不只係為有著數攞而開心,而係比左個機會大家"靠近"啲,笑聲變多,成架飛機都滿載歡欣嘅氣氛....而且大家都唔記得提早40分鐘入閘、搭兩程無人駕駛列車嘅麻煩,減低左殺氣....我地香港人其實並唔係咁高冷姐 工作人員話,逢喺2月底前經中場客運廊(登機閘口201-230)登機,可憑登機證領取免費食物。 ********************************************************************************** 資料更新 經U-travel小編查證,原來小食亭只會服務每日喺中場客運廊登機嘅首班航玨,詳情可參考" 網熱傳憑登機證機場免費換小食 原來不是人人有份! " 歡迎登入Facebook讚好我們的旅遊專頁台灣追星星手記