台灣藝人莎莎係飲食節目"食尚玩家"嘅主持之一，節目中食盡各國美味菜餚，相信對"食"依方面應該好講究！HALO Cafe 由莎莎本人親自主理，餐點以甜品及輕食為主，蛋糕款式經常更換，重有機會一嚐老闆娘嘅手勢添，因為莎莎平時得閒就會落舖幫手冲咖啡同整蛋糕，小酷米當然唔執輸啦~ 要一試究竟.... 店面裝修走"工業風"，隨便搵個角落、拎住杯咖啡，或者求其拎住本英文書亂咁影都有"文青"feel，淨係個門口位，我地都玩左十幾分鐘..... 莎莎成日喺節目入面成日比人笑佢"逗雞"，見到餐牌上面嘅公仔真係特別有親切感... 雖然我唔識品評咖啡，但我覺得依杯"香草拿鐵"幾岩我口味，因為小酷米比較鐘意奶味重嘅咖啡，而且又唔會"死甜"，讚！ 朋友點左.....(sorry唔記得)，個拉花好靚呀 我地點左3份喊食，分別係"焗烤起士燻雞帕尼尼"、"HALO 早午餐"同埋"雞肉千層面"點擊圖片放大 其實3款都好好味，不過硬係要選NO.1的話，跑贏嘅係千屠面，我個人認為千屠面嘅神髓係芝士嘅份量，依個千屠面入面啲Mozzarella多到拉極都唔斷嫁.... 當然無論幾飽都要食甜品啦！雪櫃入面果5款我地都有叫，不過我只係影左其中2款，一款係"洋梨蛋糕"，另一款係"香蕉巧克力"，讚！讚！讚！ 我最鐘意係"洋梨蛋糕"，未擺入口就已經聞到好香嘅啤梨味，味道又唔會太甜，而且重食梨溶添.... 點擊圖片放大 本來重念住有機會可以一睹莎莎公主嘅風采.... 可惜事與願違，莎莎無錯係一得閒就會落舖，我亦有睇過好多網上嘅食評都話見到莎莎..... 但佢當日竟然唔係落HALO Cafe，佢去左"HALO"..... 緣淺............題外話，HALO係莎莎開嘅服飾店，裡面貨品都係莎莎定期去韓國帶返黎賣，雖然我未去過，但去過嘅朋友話我知定價唔算貴，行開東區嘅可以去睇下 HALO Cafe: 台北市信義區松隆路35號 (市政府捷運站4號出口步行五分鐘) 星期三休息 HALO FB專頁 歡迎登入Facebook讚好我們的旅遊專頁台灣追星星手記
