只得18℃嘅海邊，一個只穿單薄短袖衫嘅港燦，真係幾異相，重要大風到吹到企唔穩，個頭亂到唔知似咩... 都係為左去全球首家朱古力主題樂園 -世界巧克力夢公園 。 話就話係朱古力主題樂園，但我就覺得叫朱古力Display博物館比較貼切。一共有8個主題展館，展出不同嘅朱古力Display，其中有一個展館被劃分做朱古力DIY廚房，開放比大家報名試做朱古力。地方唔算大，基本一個鐘內可以行晒所有展館，但係入面嘅香氣會令到你唔舍得走 未行到入口就已經被朱古力嘅香氣吸引住，好似不斷叫你"快啲入黎啦~快啲入黎啦~"，引死人(心心眼)...... 入場後工作人員會派每人3個朱古力金幣，可以用黎換朱古力黎試味或者玩遊戲 樂園正中央有部1:1嘅朱古力私家車，第一眼望到真係不禁"嘩！"左出聲.... 我念喺入口聞到果陣香濃朱古力味係來自佢，依塊朱古力真係夠晒巨無霸！ "讓這灰色衫小姐 告別南瓜車.... 下次再有人來接 但願是朱古力花車(誤)" OMG~會溶個囉好無！不過小酷米去參觀果日適逢係萬聖節翌日，四周都係蜘蛛網之類嘅飾物，我覺得有啲影響個觀感.....灰姑娘會吐絲嗎？ -_-" 最令我印象深刻嘅展品係仿真皮革手袋，真係好靚好細緻，特別係左上角啡白格仔果個，仔細睇清楚，係用條狀嘅朱古力縱橫交錯咁編織出黎，厲害！厲害！ 朱古力101大樓，可以清楚睇到一格一格嘅窗口添 世界巧克力夢公園 位於淡水漁人碼頭，從淡水捷運站2號出口轉乘R26客運往漁人碼頭，喺總站落車，車程大約15~20分鐘左右，成人門票NT$280，如果想試下做朱古力要另外計費喔~ 歡迎登入Facebook讚好我們專頁台灣追星星手記 及參考行程 單身也可甜蜜蜜 ~ 台北獨腳背包行
