黎到清境之後嘅第一餐 - 甕仔雞！ 一路從山腳塞車塞到上山頂，沿路都見到好多大招牌寫住"古法甕仔雞"、"美味甕仔雞"......唔知係咪未食晏就上車太餓，大家都係咁望住啲招牌吞口水，話落車之後一定要食個究竟！ 我地CHECK IN 放低左行李之後就即刻出去覓食，因為貪方便(太肚餓)，就簡左間最近民宿門口嘅 蘋果園甕仔雞 明碼實價，可以按人數、價位挑選合適嘅套餐，唔似某國果啲無良餐廳咁，價錢任佢開....我地叫左個4人餐，NT$1200包括1隻甕仔雞+3個小菜+金針肉絲湯+白飯4個(PS. 因為落單後餐牌被收走左，冇影到相..."申"笨中....) 小菜係炒山豬肉、雞汁筍片，同埋炒高麗菜(椰菜)，都幾大碟下，而且味道都唔錯。小酷米不厭其煩再同大家講多次，清境啲高麗菜真係好好食，特別甜.... 認真，今次係我去台灣咁多次以黎食得最多蔬菜嘅一次，因為高山種植，堅正！ 啲農作物唔只堅正，重好巨型... 蘋果甕仔雞 隻甕仔雞係原隻上嫁，並附上手套方便客人親手撕開黎食，當日適逄係小酷爸嘅生日，本來我地都煩惱梗喺山上面好難買到蛋糕慶祝....最後唯有以"雞代糕"，撕開隻雞嘅重任就交比佢啦.... 撕開隻甕仔雞之後，終於明白點解叫"蘋果甕仔雞"，重以為係間舖開喺蘋果園先改個咁嘅名，原來喺隻雞個肚入面釀左個蘋果入去，再用蘋果木黎燻...... 嗯... 小酷媽話可能燒得唔夠耐，較外面嘅雞肉唔係好入味，冇乜蘋果味，但外皮超脆，有啲似香港食到嘅炸子雞脆皮口感，不過食到近雞肚位置，就食到啖啖地嘅蘋果香同甜味....不錯吃！ 話你知呀... 我有咬過個蘋果一啖，個蘋果幾爽幾甜，重有陣雞湯味添....XD 題外話... 因為7、8月份水蜜桃當造，所以成個清境峰都係香噴噴嘅水蜜桃味，講到食囉啵，我地當然唔會輸蝕啦...雖然價錢唔平，一個水蜜桃要價NT$100~300左右(以大小體積定價)，不過賣NT$100果隻都大過拳頭，而且喺香港從來未食過咁甜、咁多汁嘅水蜜桃，多汁到比佢"族親".... 讚！讚！讚！ PART 3 正式殺入青青草原！！
