同大家玩一個無獎問答遊戲先！下圖中啡啡圓圓、體積大約有成人嘅拳頭咁大，究竟係邊一種水果嘅核呢？ 一陣開估。 因為台灣一年四季都係雨季(誤)成日都落大雨，所以我每次去台北都會去站前地下街 “報到”，係室內地方，真係落雨不怕，落雪也不怕。 站前地下街除左有好多秒殺台幣嘅精品店、格仔舖，重有平到喊嘅靚衫、靚鞋之外，當然唔少得台灣地道小食啦~ 若果要數小酷米的台灣美食排行榜嘅話，佢係我心目中必定位列3甲位置！ 忠將蔥抓餅 (站前地下街17-5A號 近Z8出口) 圖片轉自 站前地下街網路商城網頁 餅皮鬆脆可口，雖然大家都知道餅皮通常用豬油打，重要用油煎香，好似好油膩，但可能係即叫即整嘅關係，所以食落唔會有“索”晒油、濕納納嘅噁心感覺，而且，超香！！隔幾里遠都聞到香味，真係引人犯罪為食，另外餡料選擇多，我通常會簡起司蛋或者培根蛋…正！ 好想即刻飛台北呀~ (心心眼) 圖片轉自 忠將蔥抓餅站前店Facebook 食完熱氣野飲返杯台式鮮搾果汁潤下喉先~ 想太多奶茶快可立 (站前地下街7-2B號) 圖片轉自 站前地下街網路商城網頁 雖然依間果汁店冇咩特別賣點，味道同出面嘅果汁店差別亦不大，但每杯果汁都都充滿住老闆嘅熱情同友善… 呀~ 係喎！要開估囉喎！(XD) 話說有次我貪得意，諗住試下香港比較少見嘅果汁，就點左杯酪梨牛奶 (酪梨=牛油果)，果汁店為左保持新鮮，即叫即搾，所以D生果都係即場切。 老老實實… 可能我小酷米少見多怪啦~ 個牛油果竟然大過一個火龍果，不禁大叫 “怎麼會這麼大一顆阿~” 老闆話依種係台灣牛油果，會比外面嘅牛油果大隻，佢見我好好奇，就送左個核比我，叫我返香港試下種…(猴子遮眼) 冇呃你，舊核真係有拳頭咁大，大家若果去台灣，不妨留意下… 講返轉頭，個老闆真係幾有趣/友善，比著件事係發生係香港街頭嘅話， “嘩！個牛油果咁大粒嘅？” “X！...白痴嫁？牛油果都未見過？ (香港果汁店嘅老闆心裡OS) ”
