我一直都好享受 “獨自去偷歡”，一個人出走！ 因為唔洗 “將就” 大家嘅假期、又唔洗考慮對方嘅興趣、又唔洗怕 “相見好同住難”…… 不過一個人出走並唔係大晒嫁，天才也有天才嘅煩惱XD… 除非你接受到住青年旅社，只訂一個床位，同陌生人同房、又唔介意同其他旅客共用廁所浴室嘅話，恭喜你！PS礙於小酷米我有潔癖，比較介意共用廁所浴室(猴子遮眼)，所以，住宿會係其中一個煩惱，因為有好多旅館都係FOR 兩個人入住，價錢當然都係FOR兩個人分擔，所以想搵一間3星以上，又或者比較試正企理嘅旅館都要 $5XX ~ $7XX 不等。不過我曾經入住過一間旅館，間房唔大，但麻雀雖小，五臟俱全，價錢重幾合理添！大約$350~$400左右。 詠心商旅 – 國語發音詠(yǒng)同用(yòng)字相似，詠心=用心(誤)佢地的確係幾用心嘅。 詠心商旅位於中山國中捷運站附近，出站步行5至8分鐘即可到達，附近重有好多食市，唔使驚餓親。 大樓同房間都係使用密碼出入，櫃台姐姐話每個密碼都係獨一無二，用房客嘅姓名等資料換轉成摩斯密碼，方便又安全，咁就唔使袋住張鎖匙卡周圍走啦~ 至於房間設備同裝修，我個人認為都幾靚，因為成間房都以紅色同粉紅色為主，不過如果撞正係男士入住嘅話…就SORRY囉~ 不過佢地有其他顏色主題房嘅… 點擊圖片放大 (以上圖片傳自永安旅遊) 雖然房間細歸細，但採光唔錯，有一整排玻璃窗，夠晒開揚，重可以望到捷運高架橋添...另外，衛浴室係一間玻璃房，感覺上可以令間房睇落大D，而且好整潔 如果講到我最鐘意果部分呢，就係牆壁上嘅電制，竟然有香港用開嘅三腳插同埋USB插 (心心眼) ，重有就係佢地嘅服務，上次我去櫃台問路，雖然果位員工唔識路，但係佢即刻幫我上網搵地圖、幫我問人，超有愛。 我都住過好多間酒店旅館，不過最用心嘅都係依間，下次去台北，我都會想住返依間。讚!
