大家好！我係一個熱愛台灣嘅香港女生， 以後我都係依道同大家分享一下我嘅生活、日常所見所聞， 當然最重要嘅係同大家分享我嘅台灣旅遊體驗啦。 好！先黎第一炮.....俗語話 "一日之計在於晨" ，所以早餐係好重要的！ 同大家介紹一下依份台式早餐 - 豆漿油條 係香港幾乎冇見過咁嘅配搭，豆漿+油條，即係油炸鬼啦！你試過未先？？ 因為之前聽過一首國語歌叫"豆漿油條"，所以我一直都好想試下， 剛好民宿附近就有一間"豆漿大王"，就買黎試下... ( 板橋區館前東路 ) (圖片搜先GOOGLE) 依間早餐店除左係賣豆漿油條之外，重有賣其他包點， 不過見到好多人都係黎排隊買豆漿油條。 豆漿唔算太甜，不過冇咩特別，但不得不提嘅係油條同埋包住油條嘅燒餅， 略帶鹽味同芝麻香，超脆口！ 雖然，一早起身就食D咁油膩嘅野好唔健康，但係有幾何呀?
