第3日照舊9點幾起身，又係沖涼整野整到10點 跟住又開始煩惱啦，去邊好呢... 不過既然叫得京阪神，所以就去神戶啦!! 我都唔記得點搭車去神戶啦..總之都係用3 day pass既其中一日過去啦.. 去到車站既時候發現，原來去神戶會經過甲子園... 所以決定返歸之前點都要去一去甲子園 車程中途，見到無褲穿(武庫川) 既風景好靚呀..!!! 一個好有動漫feel既地方，但係好可惜既係，我無落車影相，好可惜呀 去到神戶 去到旅遊書講既鐵人28，真係幾大，不過其實我唔係fans，所以都係影完張相就算。 之後去下一個景點，三國誌館 是日休息，哈哈哈哈哈，正 難怪條街會係咁既樣 一個人都冇呀..哈哈 冇做資料搜集既後果LOL 見無野做，又唔知下一站去邊到好，所以坐低左係間coffee shop到，諗住飲杯野再決定行程啦，點知老闆婆婆原來識得講英文!!!!!!! 同佢傾開計先知，原來條街咁靜一來係因為間野今日休息啦，2來係因為之前神戶地震，重建之前市民好多都搬走晒。 係同婆婆傾左一個鐘計之後，佢介紹我去一個叫motomachi既地方。 我同婆婆的合照:D 去到motomachi....一D都唔似有野行既地方..= = 到底...會唔會中左婆婆伏呢..? 所以我決定周圍行:D 反正仲有時間 最後誤打誤撞去左依個地方 唔知目的地的旅行，總能夠遇上驚喜 嘿嘿嘿嘿嘿，麵包超人比我消滅左啦 最後去左甲子園，唔洗多講，又因為太夜既關係，咩都冇睇得啦..:D 第3日行程咁就完左了
