前言: 因為一個承諾，所以先會有依個旅行 故事是這樣的: 有一日因為工事關係要返大陸，忽然間有個想法，所以決定whatsapp過去 "我有一個瘋狂既想法呀，不如，半年之後如果你無男朋友的話，陪我去做呀" "你想我陪你去巴黎鐵塔?" "嘩，你咁醒既，都係類似啦，不過應該去唔到巴黎啦，人工太低，儲唔切錢啦" "好呀，我陪你去呀" 故事既結果，今次係我自己出發，其實個女仔係我出發當日好似同男朋友散左嫁，不過其實依樣野都唔再重要了，同個女仔因為之前既另一件事，已經再無聯絡了。 今次旅行地點係日本，至於點解係日本?無他既，因為故事半年之後就係日本櫻花盛開既季節，所以就決定左係日本了，本身依個季節應該係好難訂酒店機票既，但因為自己一個，所有事都變得簡單了。 2014年3月30日 (暴雨) 我所乘搭既航機係3月31日既凌晨12點35分，點知係我出發既時候，黑色暴雨警告，仲要落埋冰雹添!其實本身夜晚既時候已經停左雨，不過因為我搭既係peach航空，而唔係國泰依D hong kong base既公司(好似關依樣野事掛)，所以最終都係要delay既。好彩，最終都只係delay左2個鐘，去到日本既時間都由5點半延遲到7點半姐。 去到機場第1件事，搵鐵路圖，咁岩無晒中文版，所以我拎左英文。我本身以為，以我既英文程度，睇英文地圖應該無問題掛，對唔住....我知錯了，我只係知我book左間酒店係心齋橋，但係睇英文地圖呢，佢連漢字都唔比我，只係得shinsaibashi，我0秒投左降。然後無鐵路圖啦，我唯有周圍睇車站既圖啦，機場到同時間有JR同埋南海電氣鐵路，我....唔知要搭邊架...= = 諗唔到用咩方法解決，又唔想用旅遊書，唯有解決其他問題先...portable wifi..:D 然後就死死地氣問地鐵職員 搭地鐵出到難波，我發現.....我唔見左張飛..= = 出唔到閘..........................................................................= = 去旅行係應該多災多難既..= = 本身仲比左轉車去心齋橋o個程嫁嘛..= =又要嘔多200yen出黎了 幾經辛苦終於去到酒店放低D行李，跟住諗行程:D 無錯! 我係連第1日既行程都冇plan過..!!! 坐左陣，決定去大阪城 依個trip我有一個堅持，搭車去到旅遊書所寫既站之後，就唔可以再睇旅遊書 所以，係完全唔知方向，我又迷下路之下，終於去到大阪城 櫻花真係好靚，咁大個仔第1次睇櫻花，好幸福呀 行到口渴，買左罐野黎飲...買完知之原來係酒黎..中伏! 去完大阪城之後，返酒店休息 我真係好攰...= = 本身4點幾返到去，諗住訓到5點起身 鬧鐘都SET埋嫁啦，點知鬧鐘出賣我..!!!!!!!! 起身都8點幾啦 之後沖個涼，執下個樣，落街食晚飯 我行呀行，好想食拉麵，但沿路只見居酒屋，見唔到拉麵鋪 最後，去左依到解決 今日行程就此完畢了:D
