Hifu 真係咁有效？幾招教你揀最高CP 值HIFU 機 HIFU呢個科技已經興左好幾年，人做你又做？識唔識揀先？ 到底係咪真係咁值得做?個個都岩做？韓國機定美國機好？會唔會有副作用？ 貴唔貴？痛唔痛？傷皮膚？....... 做左醫美療程都幾年，有d 朋友都成日問我以上問題，所以想同大家分享下我既hifu 經驗，希望幫到大家做個精明消費者！ Q1)HIFU 原理係點？ HIFU 全名係 High Intensity Focused Ultrasound 即係利用高能量聚焦超聲波，深入肌膚不同深度，一般會係1.5mm, 3mm, 4.5mm ，1.5mm及3mm係去到真皮層，4.5mm 就直達SMAS (淺肌肉筋膜層)，可以刺激膠原蛋白增生，令肌膚底層慢慢收緊，連已鬆弛的淺層肌肉及皮膚都收緊，做到緊緻效果，好似以前D人做拉皮咁既效果。 Q2)HIFU 適合咩人做？係咪個個都岩做？ HIFU主要改善多項皮膚問題，包括：面上皺紋(額紋、法令紋)、雙下巴、頸紋、包包面、Jaw line 不明顯，如果你有任何一種問題，HIFU 都會一個唔錯既解決方法。 但HIFU 唔適合以下人士做，包括：孕婦、有囊腫性青春痘、對熱力、對麻醉藥膏過敏、面部做過手術等人士（如果個人有其他情況，唔肯定自己做唔做得，當然要問清楚醫生，因為都係高能量儀器，安全好重要，唔可以愛靚唔愛命喔！） Q3)HIFU會唔會有副作用？ 其實我個人認為無乜，只會做果陣冤冤地，不過當然要搵專業醫生打最好啦，之前都有打眼打到白內障，因為我做開果間一直都話打眼好危險，佢地唔會幫客人打眼，大家記得要搵專業既公司去做，真係有朋友係出面做過，burn 左。 Q4)做HIFU痛唔痛？ 我覺得唔係好痛，同埋真係要睇咩機，感覺最強烈一定係美國機-ulthera/ Ultherapy Q5)做HIFU Keep 到幾耐？ 除左一做完會見到效果外，其實最有效果會係療程2個月後，有Ｄ人可以last到2年咁耐，有D人可能半年左右,真係要視乎個人皮膚情況。 Q6)做HIFU 會傷皮膚? 佢係一打就打入皮膚深入位置，其實唔會點傷到，最多做完會皮膚比較乾，只要敷多D Mask 同多D 保濕便可。 Q7)韓國機 VS 美國機，邊款好？貴唔貴？ 由於出面好多公司都會以大陸機扮韓國機，真係差一兩粒字，個外殼一樣架，大家一定要睇清楚係用咩機先好做呀，你知啦，係塊面，有咩差遲都真係好難見人架嘛~ 我試過以下呢幾款機，可以同大家分享下， ~美國代表~ Ulthera : 第一代HIFU，美國出產，價錢係相對貴少少，但個人認為效果係最勁同最長效，當然都會痛D，要搵專業醫生做，一定要敷麻，佢係比其他韓國機痛，我早幾年做，都真係起碼維持到一年半效果。 ~韓國代表~ Doublo : 第二代HIFU，韓國出產，痛感同Ulthera 差唔多，但相對比Ulthera平，效果我就覺得都有，但Ulthera感覺last 得耐D。 Ultraformer 第二代HIFU，韓國出產，痛感相對低好多，唔搽麻都接受到，只係近骨會有Ｄ痺痺地，價格都親民好多，效果都明顯，但做一次Last 到幾個月到半年，所以最好一做做3 次，當全set treatment 咁，就可以Last 耐D。 Tulip 第二代HIFU，韓國出產，痛感我覺得最低，不過唔係太多公司用，但價格都係好親民，效果都不錯，Last 既時間都係同Ultraformer 差唔多。 Q8)國際認證可知安全性？ 除左要知部機有冇國際認證外，都要睇下咩公司做，一來因為要肯定對方用咩機幫你做，二來都要美容師或醫生經驗豐富，先好交塊面比佢啦! Ulthera : 美國FDA及歐盟CE Doublo : 美國FDA、韓國KFDA及歐共體CE認証 Ｕltraformer:韓國KFDA Tulip:韓國KFDA及歐共體CE認証 最後，最近見到我做過既其中一間醫美公司出左個幾抵既offer，諗住同大家share，$988 做1次送多個facial 保濕，想試做既JM 可以試試佢。 https://drreborn.com/home/zh/promo/ultraformer_hifu
