率先體驗--- 荔枝角D2 PLACE新戲院 CGV Cinemas 同場加映孔劉主題電影館！ 香港戲院近年少左好多，以前去開既百xx執左好多，對於好;中意睇戲既香港人留意---我地有新戲院啦! 坐落於荔枝角，唔係平時去開既百xx / UX / Cinema Cxxx，而係韓國最大連鎖影院品牌CGV Cinemas!!! 岩晒香港人口味! 今日我就去左果度睇戲，睇下入面係點先! 今次位於荔枝角嘅CGV Cinemas 有4個影院，472個位咁多！ 其中包括全港首個270°三面屏幕影院「Screen X」！ 畫面擴展至影廳兩側牆壁實現三屏全景放映，好似比畫面包住咁！睇3D一流，現場感十足! 另一個影院以五、六十年代美國百老匯電影院作為設計概念， 加入大量懷舊元素， 當中包括參照復古放音機設計嘅CGV壁燈同埋工業風設計嘅復古長桌～可以早d 入去selfie 下。 唔少得既賣點當然係首個以韓星命名嘅主題影院「K Star 孔劉館」！ 入面有唔少孔劉嘅相關素材!CGV仲會捐出孔劉館嘅部分票房收入，用黎支持香港電影或者培育新晉導演及演員等等，真係一件好有意義既事黎。 戲院入面設有情侶椅～雖然宜家有唔少戲院都有，不過都要提下，因為佢張凳仲可以開張檯出黎，咁食野時就更方便啦！ 講到食野，我真係連睇恐怖片都要買野入去食既人，所以對我黎講美食好重要，可惜既係香港主流戲院既食物真係好垃圾，唔脆既爆谷、林既燒賣… 都令我好失望，但CGV Cinemas既野食真係唔講得笑，有米芝蓮大廚炮製咗4款熱狗，仲有沙冰餐添！小食方面就有韓國香蕉奶、啜啜啫喱、韓式粟子等等… 價錢同一般戲院小食差唔多，卻別有風味! 荔枝角CGV Cinemas 地址：D2 Place二期11樓 票價：$90（2D電影票） $110（3D電影票） $120（ScreenX電影票）
