好公司不及一個好上司？ 唔知大家有無遇過一個好PK既上司？假設你間公司有好好既benefits：Meal Allowance, Travel Allowance，OT Allowance， 醫療保險， performance bonus，過時過節放全日或者提早收工，大假十幾廿日，最重要係sick leave 唔洗病假紙！當你覺得間公司好好？諗住成為你既退休工？與此同時就整一件極品上司過你嘆下。 何謂極品上司？由於新來啦，當你同佢傾黎緊要做既schedule, 佢會好自信咁答：咁我有咩可以幫到你？well~咁即係我要食埋佢！有咩幫到我？唔係我handle架呂！我提你要handle番渣！幫我？不停加workload都算，比你做既ad hon assignment 仲要全部都係屎黎架！成日話自己忙，難道我係好得閒係度r腳趾？ 好啦，我係廢柴我係垃圾，我真心唔識做，天真到以為佢會幫下手。Sorry，我真係諗得太多！我地呢個topic傾左好多次啦，點解仲未settle到？同埋佢話佢同上頭傾好左架啦。你傾好左d咩？我要做既都做左比你！你仲想我做d咩？ 心裏面有無數聲音叫自己生性，遞封信掉死佢攞番少少尊嚴啊！跟著咁既上司注定無運行！現實我真係一個廢柴，一堆垃圾！我仲有一家大小要養⋯繼續努力下去！ 其實我都跟過好上司既，就係你唔洗要做得特別outstanding，只要唔好做得特別差。最重要係同上司夾眼緣，佢睇得起你！同時佢會有權力令你步步高陞就夠！跟著咁既好上司，包你一世衣食無憂！ 雖然我都只係呻下，但都祝同我一樣跟緊PK上司既JM早日轉工！搵到一位好上司！
