係台中既第三日，我繼續選擇離開台中市，坐大約20分鐘火車去豐原，去踩單車。 係豐原火車站出面搵公車上，基本上只要係向東勢方向既就上得既啦，去到石崗水霸個個站就落車。一落車就會見到有單車鋪，亦都有明確標示同你講單車徑係邊。 我自己租個架100台幣一日，再俾500蚊按金，不過我建議可以俾多少少錢租架好d既，又或者租電動車，因為條路其實都幾多暗斜。 我既戰車-_- 係路上見到有人整左個心 係九號隧道入面 東豐綠色隧道就長d，成12KM，不過其實唔經唔覺都好快完，之後就轉個彎就轉左去后豐鐵馬道，e度就有相入面既鐵橋同埋九號隧道。 其實完全唔使擔心會唔識路，因為單車鋪會有地圖俾你，而且沿路好多指示，所以唔使擔心咁多，哈哈。我自己去個日就係平日，所以冇乜人，影相都易d，聽其他朋友講，星期六日好多台灣人自己都會帶埋小朋友黎玩，所以可以既就平日黎啦。 過左九號隧道就會去到埔里，交埋車就坐火車返台中，我11點係台中出發，返返到台中都係4點度咋，仲有大把時間可以係台中行下書局食下野。
