第二日都係度我自己最期待既一日，因為將會去清水同埋高美濕地。 原本都只係當清水係一個轉車既地方，但前個日係hostel見有清水既介紹同地圖，所以就決定早多少少出門，去清水行下。 訓到自然醒(其實都係九點度)，去左火車站後面既永和黑豆漿買早餐食，其實我自己就好鍾意幫親老店/小店，所以我好鍾意台灣既傳統早餐，不過之後個兩日都食個間謝氏仲正哈哈。 點擊圖片放大 上次去台灣都係係咁食雞蛋饅頭，所以諗都無諗就叫左 食完早餐就去左買火車飛去清水，其實去清水都可以坐巴士既，不過又要坐個幾鐘，所以我選擇左大約半個鐘既火車，不過就要就火車時間啦，我坐既係11:08分個班。 其實清水好細，成個舊城區都可以行，基本上地圖上面叫由火車站坐巴士去市中心都唔使，行都係10-15分鐘度。清水無話有太特別既景點，不過佢最特別既地方或者就係佢既平凡，令人行每一步路都好想搵到特別既地方，成個鎮都好似停留左係3,40年代既日治時期咁，有廢墟，有百年老店，有好多小路。 百年米鋪 好有日本街度feel~ 這家清水散步，聽店員說這裡的老闆獨力推廣了清水的旅遊，來到清水一定要來這裡，有postcard啦，最緊要拎到地圖同埋有店員簡介哈哈 Out左fo，不過e個米糕係清水特產，一定要食呀! 我食個間係王塔米糕，係第一間整米糕既鋪頭! 食埋野差唔多兩點，就去等公車去高美濕地，車程只係20分鐘度，不過車(178/179號)就一個鐘一班，一定唔可以遲到，架巴士係香港個隻小巴size，千祈要截停佢! 去高美濕地前記得要check潮汐表，因為如果係潮漲既話就唔可以落水，個feel差好遠架! (http://www.gaomei.com.tw/gaomeiwetland-tide-month/) 以前中六讀bio都去過米埔同埋龍尾個濕地，不過高美濕地靚好多，同埋感覺free好多。 d候鳥同埋弧蟹好近呀!! 隔離個燈塔都好靚 重點，睇日落。 行到最出可以落水，所以可以最好著拖鞋or帶定毛巾，走個陣方便d啦。 日落完左大家都散，本身都驚好多人上唔到公車，不過又俾我上到(可能係好多人都係包車黎)，anyway，可以既都係早少少出去等車啦如果係諗住坐公車走既。 出返清水，本身諗住坐火車走，不過火車仲有成個鐘先開，所以回程就坐公車(9號/仲有幾架車，唔係好記得幾號，不過9號係最慢個架)返台中，不過又要成個幾鐘，不過今日見到個日落，咩都抵晒啦。
