出左黎做野9個月第一次放annual T___T， 其實我都好想去歐洲/土耳其，不過做左野一年就用咁多錢真係唔係好捨得， 所以都係同hkexpress買左張平機票去台中算啦哈哈。 可能地勤姐姐見我自己一支公，又正值壯年，就免費幫我upgrade坐緊急出口隔離， d位係闊落d既(不過回程坐返普通位，其實hkexpress d位都唔係好迫)， 班機有d delay，不過都係遲左半個鐘度就到台中。 出機場之後坐9號公車，就會去到台中火車站，不過就坐左成個半鐘有多。 搵間7仔買優遊卡(一定要買! 台中市8公里內既公車係唔使錢，但一定要有張卡)， 搵埋酒店，check埋in，其實都五點幾，所以都係係台中市行下。 去左火車站後面既20號藝術區，不過可能係星期日，幾個倉都無開，不過依然感受到個種藝術既自由，靜靜地，有個性的。 真係可以玩就正啦 亂打亂撞之下去左勤美路既市民廣場同埋附近既誠品，唔覺意行左間好正既二手書店 (就係市民廣場對面7-11既隔離) 好鍾意係鬧市中既草地，加上星期日，好熱鬧。 好正既二手書店 天黑之後沿住勤美術館一路行返出去坐車去一中夜市食野。 沿途有好多live music，好舒服，大概係遊人既心境啦，腳步都慢起上黎。
