無得去旅行差不多2年，相信大家都已經不斷響香港搵唔同打卡景點，尋找旅遊感覺。之前帶大家去過幾個偽日本景點，今次準備咗一個最強打卡攻略，介紹全港九新界，5大偽英倫之旅景點，當中有過百年歷史嘅古蹟，除咗紅磚，仲充滿英國建築特色風格。想去影相嘅朋友要留意開放時間之餘，記住好好愛護古蹟，唔好破壞或整污糟古蹟環境呀～想再尋找更多偽旅遊景點？可以睇埋呢個異國風情之旅～【尋找旅遊感覺｜異國風情之旅】打卡放電免費好去處｜仿如置身歐陸｜無敵超廣角海景｜多個主題園區｜立體壁畫｜動森昆蟲館｜交通方便https://blog.ulifestyle.com.hk/vlog/kurotv/4156388/尋找旅遊感覺-異國風情之旅-u-blog香港好去處-打卡放電免費好去處-仿如置身歐陸-無敵超廣角海景-多個主題園區-立體壁畫-動森昆蟲館-交通方便************************如喜歡此介紹，希望能繼續支持我，訂閱以下Youtube Channel，及讚好，留言及分享 🙂 謝謝～Youtube Channel: KuroTV https://www.youtube.com/channel/UCyuPSyqsEV6sXdQMXnYVEKgInstagram: https://www.instagram.com/Kurotv.igMewe: https://mewe.com/join/kurotvFacebook: https://www.facebook.com/KuroTV.fb===========================================================點擊圖片放大 +3 ＼新界篇＼1.【山丘上英倫古蹟｜絕美復古拱門】- 大埔舊北區理民府有無人同我一樣，對紅磚建築物有種情意結，見到就會好想打卡🙋🏻♀️？講起大埔舊建築物，大家必定會諗起鐵路博物館，其實除咗鐵路博物館，仲有一個比較少人知嘅舊香港打卡景點，位於一個小山丘上面，果度就係大埔舊北區理民府啦～大埔舊北區理民府係香港法定古蹟之一，大約響1907年興建，係英國租借新界後最早嘅民政中心，而響1983年已經停止作為理民府辦公大樓，之後曾經用作環境保護署大埔分署，2002年開始作為香港童軍總會新界東地域羅定邦童軍中心。理民府設計充滿20世紀初典型殖民地建築特色，以紅磚建成，仲有拱門走廊，響度好似返到去英式年代咁～去完仲可以去埋隔離同樣充滿歷史嘅綠匯學苑參觀。*到達後需到辦公室先進行登記📍大埔舊北區理民府地址：大埔運頭角里15號開放時間：星期一至五 9am - 6pm （公眾假期/童軍活動進行期間除外）交通：大埔墟站A出口，穿過運頭角遊樂場，運頭角里行上小山丘 （步行約11分鐘）===========================================================2.【懷舊打卡｜沿著火車軌跡走】- 香港鐵路博物館英國Bristol有個M Shed博物館，裡面介紹Bristol嘅城市、人民同埋交通等嘅發展，博物館位於海旁，風景好靚～本身呢度仲有一架蒸氣火車可以有乘搭體驗，可惜依家暫時停運，但大家仍然可以響路軌旁影相打卡響香港都有火車路軌俾大家安全去打卡㗎～果度就係位於大埔嘅香港鐵路博物館啦。香港鐵路博物館係由舊大埔墟火車站改建，大家除咗可以響路軌上盡情打卡外，仲可以參觀裡面珍貴同充滿歷史價值嘅展品同車卡。必影打卡位除咗路軌，香港首架柴油電動火車頭亞歷山大爵士號 (51號機車) 都係必影㗎～ 佢響1955年嚟到香港，差不多有70年歷史啦～不過呢架亞歷山大爵士號唔可以行入去，只可以響佢外面影相。想上車卡影相，就要再行入少少，有幾架唔同年代唔同級別嘅車卡俾大家入去瘋狂打卡。📍香港鐵路博物館地址：大埔崇德街13號 (大埔墟車站步行約10分鐘）開放時間：星期一、三至日 : 上午10時至下午6時聖誕前夕及農曆新年除夕 : 上午10時至下午5時星期二(公眾假期除外)、農曆年初一及初二休館===========================================================＼九龍篇＼3. 【鬧市中的秘密花園】- 訊號山花園訊號山花園響繁忙尖沙咀中，好似一個秘密花園咁，穿過橫街，行上少少山丘，到達呢個有歷史故事嘅秘密花園。訊號山，又名黑頭角和大包米，原本位於尖沙咀岸邊嘅海角。訊號塔響2015年被列為法定古蹟，位於大包米訊號山花園，由香港天文台於1907年興建，用嚟擺放原置響附近前水警總部圓屋內嘅時間球。 香港當時有兩座專為向海員同市民準確報時而興建嘅建築物，訊號塔就是其中之一。訊號塔原本有3層（42呎高），響1927年加1層，令到塔身高度增加大約20呎，不會俾其他高樓大廈遮住。訊號塔用咗濃厚古典巴洛克色彩嘅建築設計，並加入當年流行嘅愛德華式裝飾特色，以紅磚配上淺色石構件。塔身呈方形，角位無用到常見嘅方角，而係用咗較雅致嘅斜削角。紅磚係特別燒製，並採用英式砌法。旋轉樓梯係訊號塔特色打卡位之一，但樓梯較窄，大家影相之餘，上落要小心呀～📍尖沙咀訊號山花園\ 訊號塔開放時間：每日上午九時至十一時及下午四時至六時 \地址：九龍尖沙咀緬甸臺訊號山花園 (入口於緬甸臺)交通：尖沙咀站D2出口步行約5分鐘｜尖東站P3出口步行約5分鐘 一九○八年至一九二○年期間，訊號塔的時間球每天引放一次。時間球為直徑六呎的空心銅球，每日下午一時前以人手絞動，升至桅杆杆頂，一時正自動引放下墜至杆底。一九二○年至一九三三年期間，時間球改為每日引放兩次，時間為上午十時和下午四時。===========================================================4. 【集5個古蹟於一身】- 18811881前身由1880年代開始直至1996年，除二次世界大戰時期外，一直都係水警總區總部。1994年成為香港法定古蹟，充滿維多利亞時代嘅建築特色。主要由五幢建築組成，包括前水警總部主樓、前馬廐、前時間球塔、舊九龍消防局及舊九龍消防局宿舍。仲有一架好有歷史價值嘅古董消防車。上去花園平台果層，有個好有特色嘅時間球塔。響十八世紀果陣，香港已經係一個好繁忙嘅港口，有好多船會經過香港，所以需要一個準確嘅報時裝置，報時俾海員知。於是香港響1883年響尖沙咀成立天文台，並響1884年響當時水警總部（即現1881）旁興建咗時間球塔，為來往香港嘅船提供報時服務。點解會揀響呢度興建時間球塔呢？係因為水警總部響尖沙咀海旁一個小山丘上，四周廣闊，船隻響好遠都可以睇到個時間球塔。時間球直徑約6呎，懸掛響時間球塔頂上，由1885年前1月1日起，除咗星期日同公眾假期之外，每日大約下午12:50會由水警總部嘅警官人手將塔頂嘅時間球升起至塔頂最高點，之後由香港天文台透過地底嘅電信線路向時間塔發出信號，準時響下午1點正將時間球降低，作為報時訊號。港口嘅船隻利用時間球降低嘅時間調校經線儀，用來準確計算出船隻嘅位置。後來因為水警總部四周不斷發展，所以需要搵個更高嘅地方放置時間球塔，最後就響尖沙咀訊息山起咗訊號塔。除咗時間球，響十九世紀以前，鳴炮都係一種向海員報時方法，以提示佢哋身處嘅位置。響時間球塔嘅隔離，仲有一枝颱風訊號杆，用嚟懸掛颱風訊號。颱風訊號杆隔離嘅草地，放咗颱風訊號球，當然依家都只係用嚟裝飾。📍1881地址：尖沙咀廣東道2A號===========================================================＼港島篇＼5. 【全港最古老街市建築物】- 西港城響呢度，好有時光倒流感覺。西港城前身係舊上環街市北座大樓，依家被列為法定古蹟，係全港最古老嘅街市建築物。結構屬於英國愛德華式建築風格，呢種建築風格響1901至1910年期間，響英國係非常流行。地下果層有英倫風電話亭同埋仲高過人嘅胡桃夾子，打卡一流。扶手電梯旁邊，仲有一部懷舊感十足嘅磅。曾幾何時，戲院都有個磅重機，入錢出卡仔顯示體重。唔知大家有無見過？呢種磅已經差不多響戲院絕跡。而一樓就好似花布街咁，充滿住各式各樣嘅布料。原來呢條花布街背後係有段故事：西港城嘅布販原本係響中環永安街（亦即花布街），但市建局前身土地發展公司響1991年收回花布街，布販於是被遷至西港城。📍西港城上環德輔道中323號更多影片：【尋找旅遊感覺｜異國風情之旅】打卡放電免費好去處｜仿如置身歐陸｜無敵超廣角海景｜多個主題園區｜立體壁畫｜動森昆蟲館｜交通方便https://youtu.be/bxMibAg5Mpc【最強打卡攻略｜免費入場】仿如置身外國｜尋找旅遊感覺｜偽英倫之旅｜全港5大古蹟打卡景點｜時光倒流認識舊香港｜交通方便｜免費假日打卡好去處https://youtu.be/YqndaIYeoI0【香港首個Pixar Fest｜免費入場｜訂票打卡攻略】Disney Pixar迷必去！｜極多打卡位！｜必影5.2米高Pixar美國總部同大巨燈｜期間限定｜交通方便https://youtu.be/-DsuHGIEgaI【鬧市樓中過山車？！】香港真係好靚～｜另類特色CHILL遊香港｜雙層開蓬巴士｜傳統舢舨船｜唔駛自己Plan～ 懶人假期半日遊｜親子情侶打卡好去處https://youtu.be/qAyBkk4kA9o【期間限定｜ 打開香港非物質文化遺產探索之門】免費入場 | 3分鐘打卡攻略｜交通直達｜點拎免費極具特色紀念品？夏天室內好去處https://www.youtube.com/watch?v=h-vBAvWzn6M【落車即到｜鬧市中壁畫村】打卡必去｜多國風格巨型壁畫｜ 彩虹樓梯｜附加放電多啦A夢公園｜3分鐘打卡路線攻略https://youtu.be/c0tY0pcihPQ【天線得得B世界？｜免費放電打卡好去處】彩虹版捐山窿公園｜附加期間限定藝術展｜免費入場任玩｜打卡好去處｜路線攻略｜市區交通方便｜放電打卡好去處https://youtu.be/Yxw7zhLEHS0【走入叮噹的世界｜免費放電打卡好去處】水管遊樂場｜卡通一樣場景｜附加海事主題公園｜免費入場任玩｜路線攻略｜市區交通方便｜放電打卡好去處https://www.youtube.com/watch?v=vtOOV_rUKz0【偽日本聖巡】姆明谷小屋 ｜刀劍神域被囚禁之妖精女王の鳥籠 ｜落車即到｜免費入場｜4大打卡呃LIKE位 ｜路線攻略 - Part 1https://www.youtube.com/watch?v=iiRZLXgKBlU【偽日本聖巡 Part 2】 百鳥漩渦梯｜期間限定花拱門 ｜落車即到｜免費入場｜4大打卡呃LIKE位 ｜路線攻略https://www.youtube.com/watch?v=HjIC85cv2Dw
