除咗近期打卡大熱嘅川流不熄外,#ddHK 另外仲有唔同藝術裝置。【靜觀自然】《靜觀自然》係本地著名產品設計工作室Milk Design設計,係一系列五組位處不同位置嘅感官裝置,鼓勵公眾透過視覺、聽覺、觸覺與呼吸,感受城市中綠意盎然嘅氣息,細味「自然」之美。呢個「靜思彩虹」就係其中一個。呢件光影互動作品希望大家感受到,眼前嘅希望,如色彩般夢幻變化,只要我哋嘗試調復身體同心靈,大自然會如七色彩虹咁陪伴住你📍【靜思彩虹】地址:鄰近灣仔碼頭之海濱休閒站 🔸【聲之穹蒼】沿海旁再繼續向銅鑼灣方向行,就會去到另一藝術裝置《聲之穹蒼》。《聲之穹蒼》係由澳洲多媒體設計團隊ENESS同本地設計及製作團隊雅卓創意一齊創作。日間充氣「門窗」係白色,一到夜晚,門窗就會變成彩虹咁~漫步響十二道色彩斑斕嘅充氣「門窗」之下,會聽到靈感取材自香港唔同角落嘅聲音。📍【聲之穹蒼】地址:灣仔海濱長廊水上運動及康樂主題區展期:即日至6月20日