【香港假日好去處】相信大家呢一年無得飛，都好掛住日本韓國，原來香港都有好多特色景點，同日本韓國比唔會輸蝕。粉色波斯菊花海位於錦田鄉村俱樂部，免費入場，設施獨立收費。裡面好大，唔少啱小朋友玩嘅地方，仲有個好大草地，親子遊放電一流。呢度影相極靚，適合情侶/ 一家大細打卡，絕對係拍拖/親子打卡好去處。IG Facebook打卡一定呃到好多LIKE。點影最靚？即刻去片～點擊圖片放大 然後可以行大約15分鐘，去錦田壁畫村影相，D壁畫係由一班義工合力完成。點擊圖片放大 最後可以去埋有近60年歷史老字號勝發餅家，買埋美食手信。當中以爆CREAM忌廉筒最出名。傳統手工製餅已經越來越少，勝發餅家多年堅持以便宜價錢賣呢類懷舊包餅，大家支持下～附近仲有錦田紅磚屋，同埋充滿歐陸風情嘅貨櫃屋小鎮盈匯坊，錦上路仲有跳蚤市場。假日去錦田半日遊啱哂～【路線教學】錦田鄉村俱樂部 （波斯菊花海）- 免費入場地址：新界元朗錦田水尾村 230號交通：1. 有免費停車場2. 綠VAN 601號 - 元朗交通廣場斜對面開出，途經錦上路西鐵站C出口，過咗水頭村「鐵橋」留意，錦田鄉村俱樂部門口落車3. 西鐵錦上路出口轉乘的士3 - 4分鐘錦田壁畫村地址：新界元朗錦田吉慶圍（錦田公路側）交通：西鐵錦上路站B出口步行約15分鐘 / 由錦田鄉村俱樂部步行約15分鐘勝發餅家地址：元朗錦田大馬路215號A
