尖沙咀人氣火鍋放題 最近好鍾意食放題，尤其打邊爐，同朋友圍埋一齊。見到餐廳7:30pm前離座有折扣，SRF美國特級肩胛肉肉眼片火鍋放題做緊優惠，$238一位另收+1服務費。 餐廳面積好大，裝修台式餐廳木系風格，台式火鍋🍲為主。平日晚上人多，記得book位。提供WiFi、紙巾和濕紙巾，自助甜點、雪條、醬料、多款飲料、面、火鍋配料自己拎。仲有軟雪糕機、四川冷盤等。 餐廳麻辣鍋的各原料是四川直送，所以一定要來食麻辣火鍋，一定好惹味。不過我怕辣，所以點左番茄湯，味道偏向清淡，健康啲（大家唔好學我😂）～ 餐廳仲有麻辣小龍蝦🦞！唔係周圍都有，我用佢既麻辣沖淋落湯到，即刻香辣好多，少少都好辣。另外仲有糍粑任食，清酒，梅酒，啤酒任飲～ 出面有得自己拎糖水，火鍋前一定要飲，好養生消濟，紅棗桂圓雪耳。 每次火鍋我都會拎特色飲品：燒仙草爽🤣一定要用飲管，先吸到佢粒粒涼粉 職員服務質素不錯，上菜快，也會自動幫你收盤和加湯～必叫SRF美國特級肩胛肉肉眼片，呢個餐一定係喪食😂 火鍋配料推介：一定要試曬佢啲餃子同肉丸，好多款式，唔同餡料，都好有水準～小食一定要叫炸黑糖糍粑定年糕和炸雲吞。冷盤就要拎醉雞翼尖，好入味～ 甜品：必拎北海道牛奶奶凍，幼滑奶味濃郁！花生牛札糖正 服務質素：7/10環境舒適度：8/10ᶘ ᵒᴥᵒᶅ個人口味評分：6/10 #牛駅麻辣火鍋放題尖沙咀加連威老道2-6號愛賓商業大廈1樓102號舖
