觀塘有樣嘢好特別，你捐窿捐罅隨時會搵到好嘢食！唔太遠，今次去到駱駝漆工廠大廈，就搵到好嘢食了！中午食返個台灣麵食、滷肉麵，都做得唔錯，lunch食好啲加杯廢水，仲有台式小食，例如鹽酥雞、蛋卷，經濟實惠和同事share特別好味！ 招牌紅燒牛肉麵 $75（午）牛肉湯底香濃，帶少許藥膳嘅味道及微辣，足料大方，牛肋肉煮得軟糯，煮得入味👍🏻，蘿蔔清甜唔渣，麵條彈牙之餘好掛湯，配埋微酸嘅酸菜，配搭得宜可以消除油膩感。 試管鹽酥雞滷肉飯 $63 （午）有多款調味粉嘅試管，可以一次過貪心試晒各款調味，芝士、海苔都好正，鹽酥雞炸得香脆裏面肉嫩，滷肉飯肥瘦剛好，汁料有少少八角香料味，撈飯真係好正👍🏻！ 黑糖撞奶 $15（午市跟餐）比珍珠奶茶更加濃郁，濃厚忌廉奶泡加上黑糖，黑白相間，再加上煙靭嘅珍珠，絕對係好味又好飲嘅「廢水」，lunch一定要整返杯輕鬆吓百香果綠茶 $12 （午市跟餐）綠茶已經打到起泡，更加引起食慾，百香果酸酸甜甜，正常發揮之餘開胃又解渴。 甘梅地瓜條 $28地瓜條炸到外脆內軟，灑上酸甜梅子粉，軟軟糯糯，私心推介👍🏻 雙重起司肉鬆蛋餅 $42小朋友見到雙重芝士拉絲已經流晒口水，再加埋肉鬆，熱辣辣脆卜卜嘅蛋餅，大家share罪惡感減少環境: ⭐️⭐️⭐️雖然環境唔算好大，冇靚裝修，但有種古早台灣風味 + 充滿人情味嘅感覺，所有職員都非常友善幫忙。好想夜晚過嚟試吓佢哋嘅熱辣辣煲仔飯，同埋湯飯，仲有避風塘系列小食都超吸引😍。總結: 佢哋晚市仲開到11點，響觀塘夜咗諗唔到食乜，不妨想去食返個暖笠笠煲仔飯做宵夜，聽講仲可以加湯，一煲兩食，好吸引😍。經過駱駝漆大廈，我會諗起呢個飯堂。 —————————-—————————————五月星牛肉麵 @wuyuexing_beefnoodles📍觀塘開源道60號駱駝漆大廈第三座11樓F室—————————-—————————————#五月星牛肉麵 #紅燒牛肉麵 #台灣牛肉麵 #香濃牛肉麵 #鹽酥雞 #滷肉 #滷肉飯 #台式飲品 #珍珠奶茶 #刈包 #台灣拌麵 #蚵仔煎 #麻辣鴨血 #煲仔飯 #台式煲仔飯 #豉汁白鱔煲仔飯 #臘腸走地雞
