本身酒粒B認識恐龍就係喺Peppa Pig裏面，因為George最鍾意不停咁叫Dinosaur ~ 而真正對恐龍係乜嘢都冇乜概念！～ 所以就帶佢睇吓乜嘢係恐龍化石見識下啦！仲記得暑假嗰時仲超級難預約，好好彩忽然間見到有位就預約到啦！ 今次仲約埋佢個好朋友仔一齊去有個伴！開頭都諗唔知酒粒B驚唔驚呢！我有問佢驚唔驚俾恐龍食咗，原來佢一啲都唔驚，可能因為之前都見過海港城的恐龍，反而媽媽大開眼界覺得，所有恐龍化石骨架都好壯觀 ! 🤩 ，我知道通常女仔對恐龍的興趣一定冇男仔咁大，所以酒粒B都未係好大興趣，只係喺度不停扮恐龍叫聲，但都係一個好好的體驗！ 恐龍展一啲都唔悶㗎！有好多體驗活動俾小朋友，例如有8個check point俾大家收集恐龍印仔(不過太細粒嘅小朋友就未必夠力按所以需要大人的協助)、有恐龍圖書閱讀corner、有關恐龍影片欣賞、模擬標本掃描、配合動畫Animation講解恐龍絕種前的故事，真係增加了不少知識，而且展覽館空間都好大，人多都唔會覺得侷促。點擊圖片放大 相信今次展覽籌備起嚟真係不容易！而且賽馬會贊助免費入場睇，真係好值得支持一下！最後㗎喇！大家快啲把握機會去睇吓啦！💨行完恐龍展就梗係順便玩埋科學館啦！萬花筒、哈哈鏡、科學能源館、都夠小朋友&大人好好消磨一個下午。 香港賽馬會呈獻系列 : 八大．尋龍記@ 香港科學館📍尖東科學館2號日期：即日至2022年11月16號開放時間：星期一 / 星期二 / 星期三 / 星期五：10:00-19:00星期六 / 星期日 / 公眾假期：10:00-21:00逢星期四休息票價：免費(需網上預約)預約網址🔗：https://hk-science-museum.partner.klook.com/zh-HK/activity/73613-hongkong-science-museum-special-exhibition/記得like❤️➕follow我地獲得更多親子好去處的資訊啦!Facebook👉https://www.facebook.com/kakakeepsgoing/IG: 👉http://www.Instagram.com/kakakeepsgoing#dinosaurs #恐龍 #親子好去處
