大家網上自助訂購，因為無人同你核對資料，正常大家訂完野都會望一望自己訂購內容， 以下係一個唔正常個案 -------------------------------------------------------------------------------------------------- 收工前15分鐘，電話響起……. 客: (發火): 我同你地訂左酒店呀，我去到酒店話無我紀錄，依家酒店話無哂房啦，你點賠呀? 我: 下?? 酒店無record?? 你比個名同訂單號碼我check左先啦 Check完…. 我: 你依家係酒店chcekin??? 係訂左XXX酒店呀? 客: 係呀，搞咩呀你地，我訂哂野無酒店!! 我: 但你張單係訂尋日入住一晚喎，酒店當然無你今日紀錄啦 客人(驚嚇) 有無搞錯呀? 我明明係訂今日住喎，你地做咩改我record呀? 我: 呢張單係一個月前訂，你睇返張訂單先，我地都有email收據同hotel voucher比你，你當時有無睇過出錯呀? 客: 無!!!!無睇過張單，我信你地先唔check，點知你地訂錯野架 我: 我地電腦係跟據你張訂單auto run，張單係你自己網上訂，資料係你自己入，我見到訂單、收據、hotel voucher內容都一樣，我地無訂錯呀 客: 咁即係點呀? 推卸責任呀? 賴我訂錯呀? (唔係推唔係賴，根本就係你訂錯) 我: 我解釋返件事Jie，客人都有責任睇返自己訂購內容，發現有錯漏要即刻通知我地，起碼都仲有時間諗解決方法，依家都過埋入住日期，我都無辦法啦，你不如快D搵其他酒店啦 客(想兇我): 依家係你地訂錯野呀，你賠返比我呀 (講完都唔係明) 我: 我地無訂錯呀，你入單時揀錯日子，我地都係跟你揀既日子訂，所以我地唔會賠架，而且我地訂唔到即日住既酒店，我知XXX酒店網站好似仲訂到今日其他酒店，你上網試下啦 客: (繼續地兇)即係點呀? 你地訂錯野唔負責呀? 叫我訓街呀? (下刪一千字) 同佢傾呢個電話都過哂放工時間，大概同事見我咁可憐，無野可以做又無得放工，一手搶左我電話， 同事: 唔好意思呀，我地賠唔到啦，你快D搵其他酒店啦，喂? 喂?聽唔聽到呀???喂??無聲既? 然後放低電話收線，同我講左句: 收工~ #同事你好型英師呀 #已經提供其他解決辦法，客人你唔接受我都無法啦 #大家訂野真係睇清楚同對資料呀，自己入錯資料要自己賠架
