網上訂機票都好方便，基本上都係入哂乘客資料，再下一頁入埋信用卡資料比錢就完成。 當中不乏多手之徒去試玩system，亂入資料試下玩下，其實都無問題既，你唔比錢都耐你唔何，但就，總係有d人理解唔到，試玩會入埋信用卡比錢。 ------------------------------------------------------------------------------------------------------- 電話響起，有把男聲好緊張咁講: 「你地取消我張機票呀，我唔要架!」 我(淡定): 「取消機票? 好呀，麻煩比客名我睇下」 男聲: 「我叫 XXX，我頭先訂架，我唔要張機票呀，你幫我取消退左張機票退返錢比我呀」 我:「搵到訂單啦，我見到張機票出左啦，如果取消會有XXX手續費每位計」 男聲(難以相信): 「我唔要架，我真係啱啱訂架，我已經即刻打電話比你地取消啦，你地取消佢啦」 我:「可以取消呀，手續費每位XXX」 男聲:「我真係啱啱訂架，我唔要張機票呀」 我:「我知你啱啱訂呀，但機票出左，取消的話真係有手續費」 男聲(有d想喊咁): 「我只係試下用你地個系統係咪訂到機票，唔係真係要飛架，唔該你幫我免費取消啦，我真係啱啱訂咋.....」下刪一千字 #嗯，証實到我地網上系統真係訂到機票的 #真心唔明，點解你明知試玩仲要入信用卡資料? #呢個教訓真係貴
