電話響起，一把好急促又有點吵耳的女人聲透過電話震開我耳仔，嗯，十幾cm遠.... 女人聲: 我上網睇到你地做緊XX航空公司飛倫敦轉機做緊幾錢，你幫我睇下 我: 好，麻煩你比埋日期我check .........搵完一輪....... 我: 小姐，你睇緊邊班航班? 我見唔到你講既價錢，依家價錢貴過你講喎 小姐(繼續急促又吵耳) 我唔知呀!!!我點知咩航班呀!!!係你check呀，我點會記呢D呀? 我只記得轉一次機咋 我: 咁應該係呢個班次，只有呢個係1次轉機，其他都轉2次機(仲未講完....) 小姐:(強而有力的打斷我)你唔好同我講唔關事既野，其他野我唔想知亦唔會記 我:(簡短): 轉一次機的話，咁就做唔到你講既價錢啦 小姐:點解做唔到呀? 我之前check都係呢個價 我: 有機會平價錢比人買左啦 小姐: 我唔信，你check 多次 我: 我check 過係呢個價，你記唔記得起飛時間? 睇下係咪講緊同一班? 小姐:(接近咆哮)我唔知呀!!!都話我唔記呢D野咯，我點記得咁多呀!!! 我: 咁一係我比返航班資料你，對下係咪呢個航班 小姐: (繼續吵耳)都話我唔記時間咯，我好多野記架，邊記得咁多呀? 我: 所以我send email比你啦，對資料方便D 小姐:(嫌棄): 你真係好麻煩，我拎支筆抄低呀，你講啦 講完航班資料 小組: 我自己上網check，係咁啦.....(收線) #耳仔工傷了 #你咁多野記，真難為你 #其實你點分邊D重要邊D唔重要呢?
