之前幫襯過二鍋頭嘅尖沙咀分店～今次約咗旺角飯聚～反正朋友話想食雞煲😉我哋索性揀放題食更高性價比呀🤝🏻🤝🏻 平日晚市成人$318@位～除咗無時間限制之外～仲有多款特色煲類任君選擇～例如雞煲已有好幾款(✨重慶麻辣雞煲、✨辣酒東風螺雞煲、✨泰式冬陰雞煲、✨雙乳(咸牛乳，腐乳)雞煲；烤魚亦有六款口味可以揀～連酸菜魚都有得食；牛魔王可以選擇✨火焰牛尾煲/ ✨秘制牛雜煲；另外仲有✨黑椒豬手煲、✨羊腩煲；食完煲想打邊爐仲可以免費升級鴛鴦湯底/台式藥燉排骨湯😙😙. 我哋試咗✨辣酒東風螺雞煲～相比平時食嘅雞煲更添一番風味🫰🏻； 仲有叫咗✨香辣味烤魚～魚肉肉厚嫩滑；另外仲有超過一百種火鍋配料可以追加添😍😍點擊圖片放大 +2 我哋點咗✨活海蝦、✨脆鯇魚腩、✨牛板腱～點擊圖片放大 仲喺自助區自選咗多款蔬菜等火鍋料～如：油麥菜、南瓜片、芝心丸、蟹柳棒 等等等等🫶🏻 呢度仲有🍺啤酒(泰啤&喜力)、🥤汽水、🧃果汁茶飲～可以任拎任飲～ 甜品雪櫃條有雪糕&雪條任食唔嬲🍨我哋一致認為單單係嚟邊食煲邊暢飲啤酒～已經可以輕易回本呢😆.✨加一服務費.🌟二鍋頭🌟旺角西洋菜南街138號福苑2樓.#二鍋頭 #火鍋放題 #無限時任食 #任飲任食 #雞煲 #烤魚 #牛尾煲 #豬手煲 #羊腩煲 #牛雜煲 #酸菜魚 #allyoucaneat #旺角餐廳 #尖沙咀餐廳
