好多朋友問我, 咁鍾意韓國野, 做咩唔去韓國WORKING HOLIDAY而去澳洲。 原因好簡單, 就係因為 - 錢! 去韓國打工, 人工仲低過o係香港, 工時又長, 物價又唔低, 我點working "holiday" 呀。我寜願搵d錢去果邊玩好過啦。 所以我就揀左去澳洲, 因為聽講好搵, 而且又可以感受下外國生活。 呢一年既經歷真係多姿多采, 完全無後悔! 去之前, 咁岩好多關於澳洲wh 既負面消息, 又話比人呃無糧出呀, 又話好多黑工呀, 乜乜乜...... 好彩我去完都無乜野。黑工白工都有做過, 都叫搵左d錢返黎, 只係返黎之前又真係會玩返筆, 唔怪得d人成日都玩會玩哂啦 :roll: 去之前諗左好耐去邊個地方先啦, 最後綜合各方因素 (其實應該係因為機票平d), 所以揀左去西澳。原本計劃左好好咁賺半年錢先(聽講西澳鄉下d,無咁多消費,而且人工高d), 之後再移動去第二個城市, 去下d大城市玩下。不過計劃趕不上變化, 我幾乎全部時間都係o係西澳, 係返香港時先有去第二度玩下。 以我所見呢, 墨爾本同悉尼當然係大城市啦, 墨爾本文化氣息好似重d, 不過來來去去都係得個city行, 應該係我太hea(連交通卡都無買); 悉尼就方便不過香港d, 而且好多,係非常多亞洲野食。btw...目測...悉尼好似比較多泡菜人, 仲有個車站係韓國town咁? (好似叫strxxxxfield) MEL 車站 SYD 大橋 不過, 其實我覺得度度都幾好呀, 應該比香港好!?至少得閒可以去下d靚海灘,睇下壯麗既天空。 香港除左方便之外,我諗唔到有咩好啦。返到黎覺得香港d野好貴, 食野超貴, 洗錢好似倒水咁, 仲要人工低 (可能係自身問題)。 西澳海灘 講住對澳洲既睇法先啦, 下次分享下生活