灣仔區由13個小區組成，當中銅鑼灣都算係其中一個旺區，除左本地人中意去行街食飯睇戲之外，好多遊客都會去朝聖一下著名既時代廣場。講到飲飲食食，提到銅鑼灣，相信唔少人都會即時諗起一連串既日式放題店，打邊爐，又或者係連鎖米線，但又估唔到原來銅鑼灣呢個旺區都隱藏住一間充滿懷舊氣氛既冰室。 今次帶大家黎到喜喜冰室，除左門口充滿懷舊味之外，冰室入面既裝修都跟足以前冰室既設計，好有親切感同人情味啊！ 點擊圖片放大 至於食物方面，香港人去茶餐廳就最中意叫常餐，咩都唔洗諗又夠飽！喜喜冰室就有懷舊茶餐俾港人念舊一下，其實佢既價錢要$46，價錢都算貴，但食過就知絕對值得啦！況且銅鑼灣一向都以貴租見稱，食物質素又唔差，其實真係好值得一試。懷舊茶餐包一塊牛油多士、火腿炒蛋/煎雙蛋、叉燒湯通粉/意粉、仲有一杯coffee or tea，其實都真係幾飽架！ 不得不提既仲有喜喜冰室最出名既特餐，有香蕉克戟同埋雞批浮台，即係雞批浮係青豆茸湯上面啊，好趣緻！ 其實係銅銅灣區食連鎖餐廳食到悶，間唔中食下呢類懷舊冰室都係唔錯既選擇。雖然喜喜冰室係就係貴過其他茶餐廳，但食個氣氛，同朋友影下相都絕對值回票價！ 地址: 銅鑼灣新會道2號地下 G/F, Sun Wui Road, Causeway Bay 港鐵銅鑼灣站 A 出口, 步行約5分鐘 電話號碼: 2881 0616 營業時間: 星期一至日: 08:00-23:00 #Kongtaste #港味 #港女 #Spd4459 #InternetMarketing #lifestyle #HK #MPR #茶記 #冰室 #灣仔區 #CWB #銅鑼灣 #風味 #港式風味 # 仲想知灣仔區仲有咩香港特式茶記？記得密切留意港味每星期既分享!關於 港女小編 名字：Katie Yuen Wai Lam 學校：PolyU SPEED 學系：Marketing and Public Relations (MPR) 科目：SPD4459 Internet Marketing and Public Relations SPD4459 KONGTASTE 港味 聯絡：kongtaste@gmail.com Facebook： SPD4459 KONGTASTE 港味 港女帶你食茶記 https://www.facebook.com/kongtaste
