成日都食韓國嘢、日本嘢，悶唔悶啲呀？ 今日Kongirl就帶大家食北京菜！：P 看圖猜菜式～無錯，就係北京填鴨啦！ 之前Kongirl去北京嘅時候食過北京填鴨， 雖然好味，但係實在太肥啦，返到嚟香港就無再食過！ 點解今次會突然想食呢？皆因成日經過海港城都見到呢間餐廳門口好多人等位， 而且Kongirl家姐極力推薦，所以就決定早啲嚟等位一試啦！ （呢度無得電話預先book位，想食最好就6點嚟等位啦） 呢間餐廳嘅杯杯碟碟都印咗鴨仔，連個筷子座都係鴨仔，真係好得意～ 依架餐廳有提供清水（早幾個月仲未有呢樣服務），而且仲有好多唔同類型嘅花茶揀。 餐廳座位都好闊落，裝修典雅得嚟又唔會顯得老土...啱曬年輕人。 Kongirl觀察下周圍嘅食客，多數都係三五知己傾計嘅年輕人，同埋家庭聚會多。 因為呢度嘅大枱都比較多，下次同屋企人食飯可以考慮下呢度而唔再去茶樓～ 由於北京填鴨製作需時半個小時左右，所以都要耐心等候～ 但係可以飲住鴨湯先，呢個湯好好味呀！淡淡地唔會太咸，係好清嘅鴨湯～ 食住菜等鴨先～菜就無咩特別～但見好多人揀四季豆，下次試下先！ 登登登凳～等咗咁耐，碟鴨終於上嚟啦～ 你睇～佢嘅皮連住少少脂肪，而且好令身～好想一啖就咬落去呀！ 但係佢嘅鴨肉唔會話好肥，所以夾埋青瓜、蔥、醬汁一齊食就啱啱好啦:) 用塊皮包住配菜同鴨肉就食得啦～係咪流曬口水呢～ 我地兩個人食半隻都食唔曬，女仔建議3-4個人嚟食就可以share多啲餸啦～ 記住食完鴨要飲多啲水，等無咁油～～ 餐廳：美中 . 鴨子 地址：尖沙咀廣東道17號海港城港威商場3樓3319號舖 ＊非合作，純分享 —————————————————————————————- 想知多d 香港有咩好去處同有咩餐廳推介, 就痴實我地女孩像我 Kongirlike me 啦 ~ FB: http://www.facebook.com/kongirlikeme Blog: http://jmc.hksyu.edu/jour395/w15p2/ instagram: kongirlikeme
