寬壩渚清 天水相映 斷忘塵網之城林中幽徑 兩傍竹詠 笛聲漫散凋靜由於課後下午時間有限，所以今次就去左元朗嘅河背水塘啦地點：元朗•河背水塘時間：2hrs難度（路面） ：2/10交通（便利度）：7/10程度：All今次同大神，阿M兩個友人一齊行，我地喺元朗泰衡街搭71號小巴到總站河背村落車，再行去水塘。落車後會上淺斜路，行一段時間就到河背水塘 上沿途可以見到唔錯嘅風光。 水塘景色令人陶醉 水塘另一端有樓梯落去水塘下方。之後我哋就穿過水壩，去到另一邊，正正就係家樂徑嘅入口。呢條嘉樂徑圍住個湖，整段行左大概45分鐘。但係都係平路，無乜難度。而當中有令我好期待同雀躍嘅地方--竹林小徑 竹林小徑呢條小徑兩邊都係又高又濃密嘅竹，行左入去就算唔係置身仙境都一定會覺得好放鬆，同埋忍唔住打卡！🤣行完成條家樂徑就會經過水塘入口，再沿路落山折返，搭小巴去元朗市中心。感想：斷忘塵網之城，同埋寧靜，係我對今次旅程嘅總結。我揀行山地點，由於要考慮2-3個鐘之內，要天黑落山，要交通方便，又要有靚景同難度淺易，所以導致我嘅選擇變得好少，但係河背水塘係其中符合條件嘅地點，佢嘅景色就算陰天唔會有太大影響，而家樂徑又易行，所以我好推薦大家去行😁😁。以上嘅分享純屬自己嘅感受，各人有唔同，但係可以講嘅就係難度真係完全唔高，綜合各樣因素，呢個旅程整體我會俾8/10 合照！！！！多謝各位！🤗🤣😬
