未食完餐飯已經想二訪嘅餐廳🤭 大角咀呢間LOST STARS LIVEHOUSE BAR & EATERY 其實好耐之前已經book過枱 但咁啱撞正禁晚市堂食錯過咗 今次終於有機會再嚟☺ 店內裝潢擺設都好有格調 如果鐘意聽live music嘅話 可以留意佢地嘅FB 會發佈演出嘅schedule 呢度環境令人感覺放鬆舒適 氣氛都好正😌 非常建議可以約朋友嚟呢度傾下計 小酌一杯🥂 必需要推薦俾你地嘅菜式一定係威靈頓牛柳 我就係為咗佢慕名而來🤭!真係超驚豔超滿足 佢一份係2人用份量 仲要喺半日前預訂㗎 酥皮外層鬆化香脆 內層嘅牛柳肉色粉嫩 口感非常軟嫩有彈性☺ 搭配埋法式伯那西醬 佐 意大利鮮香芹 同埋甜醋初榨橄欖油 沾上唔同嘅醬汁又係另一番風味🤗 連擺盤都咁精緻 完全不負我嘅期待~ 韓國松葉蟹膏龍蝦湯配自家製牛油烤西班牙水晶包 龍蝦湯質感非常濃厚綿滑 香味濃郁撲鼻! 加上蟹膏 味道鮮甜又濃郁🤤 麵包烤得香脆 點上酸甜醬汁好開胃 🥗 傳統意大利凱撒沙律伴黑椒煙熏三文魚 智利小銀魚及巴馬臣芝士 Caesar Salad周圍都有得食 但不過不失嘅佔大多數🥲 呢度就難得令我幾有驚喜~ 羅馬生菜清甜爽口😌作為靈魂嘅沙律汁調較得恰到好處 煙燻三文魚肥美鮮味 肉香餘韻濃郁持久 而且罕見地加入銀魚柳 佢嘅酸鹹香味有如神來之筆! 另外我地叫咗佢地嘅精選小食拼盤 裡面包括咗手工白啤酒漿炸牛油果條 自家製金文畢芝士球 自家製蟹餅 同埋單骨捧捧雞 一盤可以試到幾款小食 而且全部佐酒一流🤭 尤其係芝士球真係好香濃 外脆內軟滑 味道好特別🥰 呢度除咗有紅酒白酒 仲有多款Cocktail 🍹 可以同朋友輕鬆度過一個晚上🥰 我問過餐廳仲可供包場用作Wedding party 或者晚宴場地添~ LOST STARS LIVEHOUSE BAR & EATERY 📍大角咀利得街11號利奧坊一期地下506號舖 #loststarslivehouse #高質西餐廳 #音樂場地 #晚宴場地 #大角咀 #利奧坊