每次飲茶 樣樣都想試下🤭真係好難喺點心紙上面取捨啊所以今次放假就嚟試下好多人推介嘅輝哥點心放題首先要講嘅係佢每樣都係細細碟可以試多幾款唔同款式嘅食物🥰而食物質素都唔會因為做放題而下降 入座每位送店舖皇牌半隻脆皮紅燒皇子鴿 皮脆多汁 肉質細嫩鮮美😋 食咗嘅款式太多我都記唔曬咁就不如講下我自己印象深刻嘅野食啦 我就特別鐘意佢地嘅八味脆豆腐外皮香脆豆腐嫩滑 豆味香濃 我叫咗3次😂😂 經典嘅蝦餃皇 皮薄通透煙韌 蝦肉爽實 涼拌拍青瓜 夠酸夠清爽 非常開胃☺瑤柱帶子肉片粥 粥底軟綿 帶子鮮甜 流心奶黃包 外層嘅包薄餡多 食落有一股濃滑嘅奶香👍🏻 鮮蝦腸粉 蝦肉爽彈 腸粉皮晶瑩透薄 超滑溜~炸魷魚鬚香脆惹味 食到停唔到口唯一係我碟蒜片牛柳粒略咸😂呢度仲有經典嘅懷舊點心👉🏻豬潤燒賣但係可惜我唔食內臟🥲所以冇點到點擊圖片放大 不過我見餐廳坐位唔多如果怕要等或者冇位可以先致電訂座100蚊唔洗嘅價錢 就可以任食點心真係好抵鍾意飲茶嘅朋友一定要嚟試下啊輝哥私房菜 📍佐敦長樂街18號18廣場2樓📞5984 7878午市點心放題⏰11:30-16:00 (入座起計限時90分鐘)