估唔到喺尖沙咀金馬倫道隱藏住咁好食嘅日本料理！☺南瀛水產呢度係採用日本食材 新鮮進口水產佢地每一道菜都令我食出平時食唔到嘅驚喜🥰 ^尤其係道香蒜牛舌我平時係唔食牛舌😂但肥仔食完第一舊雙眼發光咁同我講 係入口即溶㗎😳一聽到入口溶化我真係完全無法抵抗真係好食得出乎意料！！ ^我地揀咗沖繩煙肉菠菜沙律做前菜味道清新開胃 加上鹹香煙肉點綴好好味 ^到海膽杯 一上檯 我地已經搶住食🤣上層係吞拿魚蓉底 厚身帆立貝加上滿滿嘅海膽舖面 望落已經超吸引🤤一定要一啖不曬三層擺入口！完全感覺身心都被撫慰☺下層就有漬物同蟹仔 超可愛好有特色 ^呢度仲有我最愛嘅深海池魚刺身味道鮮甜 肉質Q彈爽脆👍🏻 ^蚧味噌甲羅燒 都係我平時唔食嘅菜(偏食🤫因為我真係好怕腥 少少腥我都頂唔順嗰種但佢真係做得好香滑 完全無腥味 非常優秀！ ^活貝盛合就包括咗鮑魚 蠔 帆立貝同埋蜆都係有專人即場製作 火喉控制得剛剛好所有食材都好新鮮味道鮮甜🤭 ^銀雪魚西京燒 魚肉入口嫩滑 ^最後嘅牛肉烏冬都有驚喜牛肉大片軟嫩 烏冬滑溜彈牙😚如果要我揀今餐我最鐘意邊樣我真係落唔到手 每一款我都真心極力推介！絕對無介紹錯 唔會令你後悔約會聚會都可以選擇南瀛水產放鬆享受美食🥰
