9月28日 (星期六)(農曆：八月二十八) 27~31度 晴/酷熱/有煙霞🌡🌞今日路線景觀絕對無得輸🥰唯一要考慮就是天氣，是條曝曬路線，夏天不宜前往；其次是潮汐漲退水位，最安全水位是1.2米以下，某些位置水位低會有利攀爬，景觀也會遼闊，除了環景條件，更重要的是有扶助繩及木橋，聽說這些是一位曾伯所搭建的，而且多個位置貼心細緻，衷心感謝這位無私奉獻的曾伯，否則我們是不可能這麽輕鬆完成路線，雖說有了曾伯的搭建木橋及繩，我們仍需注意安全，如果你是畏高及怕跣的，請不要前往，最好有經驗人士帶領(那個當然是我啦😜😅)每次帶領朋友出去，我都會事前做足功課，務求令活動暢順安全😊😊😊綑邊段約730米路程，需攀爬及手腳並用，部份位置長期有積水會比較濕滑，上落玉桂山是斜跣曝曬路徑，帶上行山棍有幫助的。參考今日潮汐漲退時間及水位：~10：00，1.15米11：00，0.87米12：00，0.67米13：00，0.56米路線：海怡半島站 ➡️ 利南道 ➡️ 綑邊至女鬼手岩 ➡️ 玉桂山 (海拔196米) ➡️ 利東站 完 (3公里/4小時包括大量休息及影相時間) 🚘地鐵海怡半島站C出口或巴士671號直達起步點旁邊的利樂街，我們選擇地鐵，因為巴士全程要80分鐘車程😅🤭👇9：35起步🚶♀️🚶♀️🚶♀️C出口梯級上地面後，右邊往新海怡廣場方向走 👇T字燈位過馬路，路邊亦有“新海怡廣場”指示牌的 👇過馬路後沿利南道往海邊走至盡頭，約15分鐘路程 👇不用過馬路的，一直走利南道就對了 👇利南道盡頭 👇跨過去開始綑邊 👇剛才跨出的位置 👇初段無難度，很輕鬆😬 👇如果無煙霞會更靚，可惜無如果😜😅 👇有腳踏位，有繩，仲有木架，真貼心🥰🫰 👇這裡可望到女鬼手岩，而家10：30還好唔係好熱，又有風 👇這張孤獨的櫈好穩陣😅不過要小心損毀的生鏽位，以勉𠝹傷 👇大石位置有木梯級，落去後沿岸邊繩索走 👇就是這條木梯下來的 👇遇到三個男人，以為佢地係行山，原來是玩攀岩的，超級無禮貌，同佢地打招呼唔睬人😤 👇睇佢好似好辛苦咁喎，確實上去要有臂力再配合腳力🤭😜 👇感覺幾穩陣，而且聽說曾伯會維修的👍👍👍🫰但我們自己也要注意，不要完全依賴繩索，扶著過去就可以了 👇也要注意某些位置因長期積水，非常濕滑跣 👇又要長氣再次多謝曾伯😬😅我哋唔駛用腦去諗每一步點行，仲可以輕鬆打卡添🫰 👇呢個位我搞咗好耐先上到去，兩個朋友輕鬆好快上去了，我.....可能就係矮咗嗰吋半囉📏🤣🤣🤣😬 👇這個位置有海蝕洞，上去繞過去 👇繞過海蝕洞 👇箭咀位置落去，手指位置是女鬼手岩 👇落去另一面是這樣的，有哂腳踏位，腳短都無問題啦😅🫰 👇嗰三個無禮貌原來喺呢個位置玩攀岩 👇潮漲時木橋非常有用👍而家潮退水位估計0.7米左右 👇在此小休一回，好舒服又有海風，而家11：40開始感覺有熱氣🥵本來打算綑鴨脷排，都係唔去了😅 👇有了木橋輕鬆走過 👇可能嚿石尖尖似女仔手，所以叫女鬼手岩😅 👇在此遇到一位赤腳大叔，未知是否曾伯，他背著大背囊，看似很輕鬆熟路，當刻沒想起，想起時大叔已走很遠了😊 👇完成綑邊路線，到鴨脷排連沙洲位置 👇海洋公園 👇12：00開始上玉桂山，600米路程，我哋用咗1個鐘到玉桂山標高柱，雖然有風，但好熱好難受，行到腳震震，心跳加速😅😅又幾乎零樹蔭，朋友勉強搵到矮樹位擋曬，可以休息一陣回回氣 👇記得2020年12月疫情期間行過，嗰陣條路幾乎光禿禿，當時還有繩索的，通關後行山人士大減，路徑也長回草了👍🫰 👇我仲有力影相應該堅持到嘅💪💪💪 👇有雷聲黑雲，殺到嚟喇！！ 👇13：07到玉桂山 (海拔196米) 👇有三個落山路口，我哋選擇最左邊那條，350米路程 👇條路都跣㗎，慢慢落就可以了，往配水庫方向走 👇沿配水庫旁邊路徑走 👇出口，用了30分鐘完成落山路段 👇出口就在利東邨巴士總站旁兩個黃色貨櫃中間 💓💓💓🙇♀️謝謝支持及點讚🙇♀️💓💓💓聯絡，路線查詢，交流分享👇https://wa.me/85292210342
