8月10日 (星期六)(農曆：七月初七) 28~33度 陰晴🌤水澇漕石澗位於大嶼山二澳，以天池(蓄水池)為分界線，連接著的還有萬丈布石澗，屬於高難度的攀爬石澗路線，石澗起點在鳳凰徑5段(萬丈布營地)附近水流而下，最終經水澇漕石澗流出二澳海，由二澳碼頭步行400米即可到達水澇漕石澗，是個不費吹灰之力就能到的石澗，而且這裡的潭是層層疊，滿水的時候每個潭很深很大，單單水澇漕最少有3個潭瀑，往上的萬丈布石澗，同樣是層層疊的潭瀑。雖然立秋剛過，但暑氣仍未消，今天我們主力在水澇漕石澗，不會往萬丈布石澗🤭😅(注意玩石澗一定要量力而為，最好有經驗人士帶領)路線：二澳碼頭 ➡️ 鳳凰徑7段 ➡️ 水澇漕石澗 ➡️ 第三個潭 完 (原路折返) 🚘大澳乘快艇往二澳碼頭(約10分鐘船程)$200/程/艇(5人以下)或徒步3公里。乘快艇快靚正，可以多啲時間係石澗玩😊🫰 👇櫈都未坐熱已經到二澳碼頭喇，如果行路，以我哋步速要1個小時😅 👇右邊走，這段路是鳳凰徑7段 👇經過水澇漕石澗出口 👇5分鐘後，留意左邊路口轉入 👇唔駛2分鐘已經到水澇漕石澗第一個潭，係咪好快好易呢，之前我嚟幾次都勁多人的，但今日居然一個人都無，可能時間尚早😅 👇這個潭好大好深，我們會繼續上去睇下邊個潭適合啲 👇右邊上去 👇上去唔難，呢度已經望到第二個潭，反而旁邊溪澗石長滿青苔，不要走入 👇呢位姐姐急不及待要打卡先😅 👇第二個潭比剛才的還要深還要大，但平台休憩位不足，又無樹蔭位，唔係咁理想，再上另一個潭睇下情況如何 👇從潭的左邊上去，潭邊及澗石很滑，橫過要非常小心 👇瀑布上面是第三個潭，雖然路程短，但難度高，要小心攀爬 👇跟著絲帶走就對了 👇第三個潭啱我哋玩，除了一個大潭，仲有幾個細池，又有大石，打卡一流，旁邊又有樹蔭位....👍 👇往上還有潭瀑的，我們不上去了，在此盡興🥰🫰 👇好睬帶咗水泡嚟 👇玩到1點幾仲係得我哋4個😅包場確實爽，不過我會喜歡一邊行一邊浸玩那種石澗，驚喜多啲，而且潭水也不會太深，今日這種層層疊的潭不太適合，而且也較危險。收拾東西原路返回二澳碼頭 👇遠處躉船位置是正在興建二澳新碼頭，預計2025年底完成 👇大澳呢間強記冰室好唔掂，我成日都講貴啲唔緊要，食物一定要有基本水準，你咁好心機將塊薄麵包𠝹開佢塞嚿牛油入去，不如將啲心思做好間舖好過啦，唔會有下次囉，西多士又係比其它茶餐廳薄好多，啲嘢已經唔平喎，仲要咁樣.....唔係吖嘛，又計多我哋錢🙄🙄🙄 👇快快食完閃，坐船返東涌，50分鐘船程，夾到時間坐船也不錯，有風景睇，不過就好熱囉，無海風，又無冷氣😅 👇沙螺灣停一站 👇東涌發展碼頭往地鐵站約10分鐘路程 💓💓💓🙇♀️謝謝支持及點讚🙇♀️💓💓💓聯絡，路線查詢，交流分享👇https://wa.me/85292210342
