6月27日 (星期四) (農曆：五月二十二) 21~35度 晴🌞🌡乾燥Day 1提到新疆日照時間比較長，所以每天都多了幾個鐘遊覽，認真玩到足，這裡日落10：00左右，相等於香港7：00，日出6：00左右😜有時晚飯10幾才吃，回到酒店處理下相片，幾乎每晚都1，2點才瞓，第二朝6：30又要起身😅每天都筋疲力盡😅我個人覺得如果假期允許，行程可以由9日改為10或11日，世界魔鬼城及獨山子大峽谷景點可以不去，又或者去程直接飛阿勒泰，可節省烏魯木齊至阿勒泰段路程。今日是9天行程裡坐車最長時間，不包括到服務區休息，午餐及S21公路途中打卡時間，旁晚5：30到行程第一個景點“五彩灘”，網上有很多人評價這個點不值得去，門票要￥45，而且很多黑色飛蟲圍著你，親親你，甚至鑽到你耳鼻口中😜😅我們到的時候確實有飛蟲，但數量不多，可以接受的，這個景點日落來我覺得會更靚，又可以避開猛烈太陽，建議先到酒店check in吃了晚飯後過來，由布爾津鎮過來30分鐘車程。S21沙漠公路穿越新疆第二大沙漠古爾班通古特沙漠和准噶爾盆地腹地，是北疆首條沙漠高速公路，全長342.5公里，2021年12月25日正式通车。👇今日的行車及景點路線圖 👇酒店早餐，非常簡單的 👇準備出發喇，司機小哥會幫我們搬行李上車的🫰 👇司機小哥昨天買了很多生果給我們在車上吃，好貼心呀🥰2個大西瓜、1個哈密瓜、1大盒小葡萄、1大袋杏，還有很多水，我見到問駛唔駛咁多水呀，仲有生果放喺車唔會壞咩🤔🤔水真係要很多啲，因為這裡是非常非常乾燥的，濕度只有20%左右，要經常補濕....... 👇講漏咗，仲有一箱老酸奶😅🫰我鍾意好好味😋 👇離開烏魯木齊走上S21沙漠公路，公路幾乎是一直線往北，景觀是一望無際的，公路全長342公里，淨係呢條公路開車要5小時左右，沿途有充足休息站，大概每2小時就可以停一次 👇沿途睇下風景，食下野，吹下水，去下廁所，一啲都唔辛苦😜🥰坐了5.5小時可以午餐啦，司機小哥帶路的，簡單食拌麵 👇高朋滿座，好多人嚟食，平靚正味道也不錯，麵是即叫即拉的，也有其它自駕遊遊客嚟食 👇半個鐘搞掂又趕路，S21公路沒有欄杆的路邊可以停車打卡，不過都驚驚，因為經過的車開得很快 👇車外很大風😅也涼涼哋 👇總之見到有車停嘅都係好景點😅😜gogogo...落去打卡囉🫰🥰 👇上車一陣又落車，包車就是這麽方便，途經烏倫古湖 (福海縣) 👇落車打個卡都滿心歡喜，天氣好正 👇繼續趕路 👇又停車打卡😬停了4次打卡，一路上很多紅柳 👇烏倫古湖面積比賽里木湖還要大，我們沒有下去打卡，只在路邊的標示牌拍了個照，新疆有很多大大小小的湖泊 👇新疆啲駱駝咁瘦嘅🤔😅 👇間中會有綠色的田園，種植的是玉米，向日葵..... 👇連雲形態都特別啲😅 👇見到很多風車，差不多到五彩灘了 👇17：30終於到五彩灘景區了😅 👇好熱曬住有38度，記得記得一定要搽防曬液，唔想曬可以夜啲嚟，反正10點先天黑，仲可以睇埋日落，但要注意截止入園時間是21：45 👇正門進入後，左邊是往燈塔的，右邊有很多打卡位，長長的木棧道，這裡有付費騎馬，直升機，往後的景區也有這些付費項目的，先到燈塔逛逛 👇這條河名為“額爾齊斯河” 👇去完燈塔到另一邊，這裡有很多枯樹很適合打卡😂 👇打卡地標，要排隊😅 👇你估喺麥理浩徑咩，呢度都要玩掛屍😂👍 👇沿著木棧道走可以一直落到底，我們走到一半就打道回府了，相信日落會更美，可惜我們沒時間(還沒吃晚飯，還有一個景點要去)，如果早點到酒店，吃個飯再過來應該是最完美的了 👇到這個位置我們就回頭了 👇19：15離開五彩灘往布爾津鎮(30分鐘車程)，今晚住小城故事渡假酒店，check in放低行李馬上出去食晚飯，跟住去喀鈉斯塔橋逛逛，橋晚上會亮燈的 👇晚餐在這裡吃 👇我發覺新疆的雞一點也不好吃，太瘦無肉，其它4樣餸都不錯，份量也多，我最喜歡這裡的炒菜，加了點醋，味道很搭配✳️狗魚￥198，炒菜￥28，糖醋里脊￥48，鐵板水晶粉￥38，土雞燜花卷￥68 👇食飽飽去最後一個景點喀納斯塔橋，就在市區，免費的 👇10：25亮燈👏 👇美嗎？像不像倫敦橋？ 👇會慢慢轉色的 👇回到酒店已經11點幾了，可惜未能在這個小鎮逛逛 💓💓💓🙇♀️謝謝支持及點讚🙇♀️💓💓💓聯絡，路線查詢，交流分享👇https://wa.me/85292210342
