10月28日 (星期六) 24~28度 天陰🌥下午落大雨🌧鳳凰山位於大嶼山,有主副兩峰分別是鳳峰海拔934米,凰峰海拔918米,主峰有標高柱、避風小屋、觀景台,也是觀賞日出的熱點,更有多條路線可前往,今日選擇由法門古道中道亭做上山起步點,上山路徑名為鳳鳥石脊,長度只有730米,前半段會在草叢中穿插,部份路徑濕滑,需小心慢行,離開草叢後是一片視野廣闊,最搶眼的是羅漢塔,其次有鳳鳥石,品字石天窗,不過今日勁大霧,好多景觀都睇唔到😅完成鳳鳥石脊再走一小段路到一樹洞,還以為難路徑已爬完了,原來最難是一樹洞後往凰峰一小段攀石路段,上山路口不起眼,攀爬難度也高,嚟到凰峰隱約見到旁邊的主峰鳳峰(勁大霧睇唔清楚😅),最後還有一小段不起眼攀石路徑上鳳峰,難度也高幸好有繩協助,安全攻頂後開始落大雨,最後是鳳凰徑3段往昂坪,1.5公里落山路徑,主要石級為主,天雨路滑,步步為營😅路線:大嶼山昂坪 ➡️ 法門古道 ➡️ 中道亭 ➡️ 鳳鳥石脊 ➡️ 鳳鳥石 ➡️ 一樹洞 ➡️ 副峰凰峰(海拔918米) ➡️ 鳳凰門 ➡️ 鳳凰山(海拔934米)(主峰鳳峰) ➡️ 鳳凰徑3段 ➡️ 心經簡林 ➡️ 昂坪巴士總站 完 (6公里/6小時30分連影相小休) 🚘東涌達東路巴士總站乘23號大嶼山巴士 ➡️ 昂坪總站落車 (約50分鐘車程)👇9:45起步🚶♀️🚶♀️落車後往大佛方向走,經過大佛正門後箭咀位置走入 👇路口轉入往心經簡林路徑 👇然後左轉 👇又係左邊走(右邊是往心經簡林的) 👇一直沿石屎路走就對了,路徑兩旁種了梅花和櫻花,相信明年可來觀賞👏🥰 👇石屎路盡頭接上的是法門古道,仍然是石屎路徑 👇沿路徑走到涼亭(中道亭)就開始上山 (由巴士站到此約2公里路程) 👇10:24正式上山(鳳鳥石脊),現在位置約海拔460米,實際上爬高度是海拔474米😅💪💪初段唔難行,但有些位置濕滑仍需注意安全 👇唔駛10分鐘嚟到一間廢棄屋,又唔似係機槍堡喎,因為有類似廚房間隔,屋外型亦唔似😅 👇屋內間隔,另一邊忘記影相🫣 👇屋門前的唔知乜東東,似係燒野用的😅 👇廢棄屋旁邊箭咀位置繼續上,有絲帶標記的 👇部份路徑濕滑跣 👇終於有個開揚位置,景觀是東涌和機場 👇11:30👉終於走完樹林段路徑,現在位置約海拔580米,仲未走完鳳鳥石脊㗎😅要加油!!遠處圓圓哋的就是羅漢塔了 👇霧起睇唔到羅漢塔了,但睇到鳳鳥石.....嘩!咁遠嘅🫣🫣🤭咪仲有排行🥲 👇😅😅😅 👇走過的路徑 👇鳳鳥石(位置海拔700米),箭咀位置上走 👇鳳鳥石背後 👇越高越大霧 👇行完鳳鳥石脊,轉左邊小徑往羅漢塔方向走,一樹洞口在右邊位置 👇12:50到一樹洞 👇一樹洞有伴了,現在應該叫兩樹洞😂 👇離開一樹洞後右邊走 👇注意這個路口不要走錯,右邊上山,路口不起眼而且非常陡斜,抬頭隱約見到絲帶的 👇另一角度看會清晰點,上山路是面向羅漢塔的,剛才我哋也走錯了,是朋友見到一位山友從上面石堆下來才知道原來是從這上去的😅💪 👇朋友好鐘意大石的🤣🤣🤭 👇就係呢度爬上去喇🥶真係好難爬,石頭濕滑的 👇原來我哋係喺一樹洞旁邊😅唔知由一樹洞直接爬過嚟又得唔得呢🤔🤫 👇爬埋呢個位就完成最難段💪💪 👇高過羅漢塔喇🥰🥰羅漢塔頂海拔820米 👇差不多到凰峰,路徑也變得輕鬆了🥰 👇13:50到凰峰(海拔918米)唔駛講都知邊個方向過去啦!不過咁大霧,隱約見到U形路徑,嚇死我以為要落山跟住又要再爬上去,原來係錯覺😅 👇中間凹位是鳳凰門 👇只差一步就到頂,唔見有路喎🤔原來又要爬石,今次好好多有繩幫下手🥰 👇14:20到鳳凰山主峰鳳峰(海拔934米)足足搞咗4個鐘先到頂,無計啦安全第一嘛🥰 👇落山1.5公里需要45分鐘,我哋用咗80分鐘先行完,因為落大雨,石級濕滑要慢慢行,頭耷耷咁行個幾鐘,條頸好痛🥲🫣 👇雨越落越大添🌧☔️不過都感恩起碼完成了最難路段才落雨🙏 👇鑽出一條肥蚯蚓 👇見到大佛了👏🥲 👇心經簡林 💓💓💓🙇♀️謝謝支持及點讚🙇♀️💓💓💓聯絡,路線查詢,交流分享👇https://wa.me/85292210342